Адӕм мӕгуыр кӕй цӕрынц, уый тыххӕй хӕринагхъуаг ӕййафынц ӕмӕ сыл низтӕ стых вӕййынц. Уый аххосӕй алы аз дӕр амӕлы милуангай адӕм. Кӕд иуӕй-иу бӕстӕты адӕм тынг хъӕздыг цӕрынц, уӕддӕр адӕмӕн сӕ фылдӕр сты тынг мӕгуыр. Библийы куыд фыст ис, афтӕмӕй мӕгуыртӕ уыд алкӕддӕр. (Бакӕс Иоанны 12:8.)

Цӕмӕй адӕм мӕгуыр мауал уой, уый тыххӕй ӕппӕт зӕххӕн дӕр хъуамӕ иу хицауад уа. Уыцы хицауадӕн хъуамӕ йӕ бон уа Зӕххы хъӕздыгдзинӕдтӕ адӕмыл ӕмхуызон уарын, стӕй хӕстытӕн дӕр кӕрон скӕнын, уымӕн ӕмӕ адӕм сӕйраджыдӕр хӕстыты аххосӕй смӕгуыр вӕййынц. Ӕмӕ раст ахӕм хицауадӕй бавӕрдта зӕрдӕ Хуыцау. (Бакӕс Данелы 2:44.)

Хуыцау йӕ Фырт Йесо Чырыстийы ӕппӕт адӕмӕн дӕр сӕвӕрдта хицауӕй (Псалом 2:4–8). Йесо мӕгуырты сӕ мӕгуыр цардӕй фервӕзын кӕндзӕн, нал уыдзӕн фыддзинад ӕмӕ ничи никӕйуал ӕфхӕрдзӕн. (Бакӕс Псалом 72:8, 12–14.)

Библийы загъд куыд уыди, афтӕмӕй «Фарны кънйаз», Йесо, дунемӕ ӕрхӕсдзӕн фарн ӕмӕ сабыр цард. Уӕд алчидӕр цӕрдзӕн йӕхи хӕдзары, алкӕмӕн дӕр йӕ куыстӕй йӕ зӕрдӕ райдзӕн ӕмӕ хӕринагцух ничи уыдзӕн. (Бакӕс Исайы 9:6, 7; 65:21–23.)