ਜ਼ਬੂਰ 7:1-17
-
ਯਹੋਵਾਹ ਧਰਮੀ ਨਿਆਂਕਾਰ ਹੈ
-
‘ਹੇ ਯਹੋਵਾਹ, ਮੇਰਾ ਨਿਆਂ ਕਰ’ (8)
-
ਦਾਊਦ ਦੇ ਵਿਰਲਾਪ ਦਾ ਗੀਤ* ਜੋ ਉਸ ਨੇ ਕੂਸ਼ ਬਿਨਯਾਮੀਨੀ ਦੀਆਂ ਗੱਲਾਂ ਕਰਕੇ ਯਹੋਵਾਹ ਲਈ ਗਾਇਆ ਸੀ।
7 ਹੇ ਯਹੋਵਾਹ ਮੇਰੇ ਪਰਮੇਸ਼ੁਰ, ਮੈਂ ਤੇਰੇ ਕੋਲ ਪਨਾਹ ਲਈ ਹੈ।+
ਅਤਿਆਚਾਰੀਆਂ ਤੋਂ ਮੇਰੀ ਰੱਖਿਆ ਕਰ ਅਤੇ ਮੈਨੂੰ ਛੁਡਾ।+
2 ਨਹੀਂ ਤਾਂ ਸ਼ੇਰ ਵਾਂਗ ਉਹ ਮੇਰੀ ਬੋਟੀ-ਬੋਟੀ ਕਰ ਦੇਣਗੇ,+ਉਹ ਮੈਨੂੰ ਚੁੱਕ ਕੇ ਲੈ ਜਾਣਗੇ ਅਤੇ ਮੈਨੂੰ ਬਚਾਉਣ ਵਾਲਾ ਕੋਈ ਨਹੀਂ ਹੋਵੇਗਾ।
3 ਹੇ ਯਹੋਵਾਹ ਮੇਰੇ ਪਰਮੇਸ਼ੁਰ, ਜੇ ਮੈਂ ਕੋਈ ਗ਼ਲਤੀ ਕੀਤੀ ਹੈ,ਜੇ ਮੈਂ ਕੋਈ ਬੇਇਨਸਾਫ਼ੀ ਕੀਤੀ ਹੈ,
4 ਜੇ ਮੈਂ ਉਸ ਨਾਲ ਬੁਰਾ ਕੀਤਾ ਹੈ ਜਿਸ ਨੇ ਮੇਰਾ ਭਲਾ ਕੀਤਾ,+ਜਾਂ ਜੇ ਮੈਂ ਬਿਨਾਂ ਕਿਸੇ ਕਾਰਨ ਆਪਣੇ ਦੁਸ਼ਮਣ ਨੂੰ ਲੁੱਟਿਆ ਹੈ,*
5 ਤਾਂ ਫਿਰ, ਮੇਰਾ ਦੁਸ਼ਮਣ ਮੇਰਾ ਪਿੱਛਾ ਕਰੇ ਅਤੇ ਮੈਨੂੰ ਘੇਰ ਲਵੇ;ਉਹ ਮੈਨੂੰ ਆਪਣੇ ਪੈਰਾਂ ਹੇਠ ਜ਼ਮੀਨ ਉੱਤੇ ਮਿੱਧ ਕੇ ਜਾਨੋਂ ਮਾਰ ਦੇਵੇਅਤੇ ਮੇਰੀ ਇੱਜ਼ਤ ਨੂੰ ਮਿੱਟੀ ਵਿਚ ਰੋਲ਼ ਦੇਵੇ। (ਸਲਹ)
6 ਹੇ ਯਹੋਵਾਹ, ਕ੍ਰੋਧ ਵਿਚ ਉੱਠ ਖੜ੍ਹਾ ਹੋ;ਮੇਰੇ ਦੁਸ਼ਮਣਾਂ ਦੇ ਕਹਿਰ ਖ਼ਿਲਾਫ਼ ਖੜ੍ਹਾ ਹੋ;+ਮੇਰੀ ਮਦਦ ਲਈ ਉੱਠ ਅਤੇ ਨਿਆਂ ਦਾ ਹੁਕਮ ਦੇ।+
7 ਕੌਮਾਂ ਤੇਰੇ ਆਲੇ-ਦੁਆਲੇ ਇਕੱਠੀਆਂ ਹੋਣ;ਤੂੰ ਉਚਾਈ ਤੋਂ ਉਨ੍ਹਾਂ ਖ਼ਿਲਾਫ਼ ਕਾਰਵਾਈ ਕਰੇਂਗਾ।
8 ਯਹੋਵਾਹ ਦੇਸ਼-ਦੇਸ਼ ਦੇ ਲੋਕਾਂ ਨੂੰ ਸਜ਼ਾ ਸੁਣਾਵੇਗਾ।+
ਹੇ ਯਹੋਵਾਹ, ਮੇਰੀ ਨੇਕੀ ਅਤੇ ਵਫ਼ਾਦਾਰੀ ਦੇ ਅਨੁਸਾਰ ਮੇਰਾ ਨਿਆਂ ਕਰ+
9 ਕਿਰਪਾ ਕਰ ਕੇ ਦੁਸ਼ਟ ਦੇ ਬੁਰੇ ਕੰਮਾਂ ਦਾ ਅੰਤ ਕਰ।
ਪਰ ਧਰਮੀ ਇਨਸਾਨ ਦੀ ਹਿਫਾਜ਼ਤ ਕਰ+ਕਿਉਂਕਿ ਹੇ ਪਰਮੇਸ਼ੁਰ, ਤੂੰ ਜੋ ਕਰਦਾ ਹੈਂ, ਸਹੀ ਕਰਦਾ ਹੈਂ+ ਅਤੇ ਦਿਲਾਂ ਅਤੇ ਡੂੰਘੀਆਂ ਭਾਵਨਾਵਾਂ ਨੂੰ ਜਾਂਚਦਾ ਹੈਂ।*+
10 ਪਰਮੇਸ਼ੁਰ ਮੇਰੀ ਢਾਲ ਹੈ।+ ਉਹ ਨੇਕਦਿਲ ਲੋਕਾਂ ਦਾ ਮੁਕਤੀਦਾਤਾ ਹੈ।+
11 ਪਰਮੇਸ਼ੁਰ ਸੱਚਾ ਨਿਆਂਕਾਰ ਹੈ+ਅਤੇ ਰੋਜ਼ ਦੁਸ਼ਟਾਂ ਨੂੰ ਦੋਸ਼ੀ ਠਹਿਰਾਉਂਦਾ ਹੈ।*
12 ਜੇ ਕੋਈ ਤੋਬਾ ਨਹੀਂ ਕਰਦਾ,+ ਤਾਂ ਪਰਮੇਸ਼ੁਰ ਆਪਣੀ ਤਲਵਾਰ ਤਿੱਖੀ ਕਰਦਾ ਹੈ;+ਉਹ ਆਪਣੀ ਕਮਾਨ ਕੱਸ ਕੇ ਤਿਆਰ ਕਰਦਾ ਹੈ।+
13 ਉਹ ਮਾਰੂ ਹਥਿਆਰਾਂ ਨਾਲ ਲੈਸ ਹੈਅਤੇ ਬਲ਼ਦੇ ਹੋਏ ਤੀਰਾਂ ਨਾਲ ਨਿਸ਼ਾਨਾ ਲਾਉਣ ਲਈ ਤਿਆਰ ਹੈ।+
14 ਉਸ ਇਨਸਾਨ ਵੱਲ ਦੇਖ ਜਿਸ ਦੀ ਕੁੱਖ ਵਿਚ ਦੁਸ਼ਟਤਾ ਪਲ਼ ਰਹੀ ਹੈ;ਮੁਸੀਬਤ ਉਸ ਦੇ ਗਰਭ ਵਿਚ ਹੈ ਅਤੇ ਉਹ ਝੂਠ ਨੂੰ ਜਨਮ ਦਿੰਦਾ ਹੈ।+
15 ਉਹ ਟੋਆ ਪੁੱਟਦਾ ਹੈ ਅਤੇ ਇਸ ਨੂੰ ਹੋਰ ਡੂੰਘਾ ਕਰਦਾ ਹੈ,ਪਰ ਉਹ ਆਪ ਹੀ ਉਸ ਟੋਏ ਵਿਚ ਡਿਗ ਪੈਂਦਾ ਹੈ।+
16 ਜੋ ਮੁਸੀਬਤ ਉਸ ਨੇ ਲਿਆਂਦੀ ਹੈ, ਉਹ ਉਸ ਦੇ ਆਪਣੇ ਹੀ ਸਿਰ ਆ ਪਵੇਗੀ;+ਉਹ ਜੋ ਖ਼ੂਨ-ਖ਼ਰਾਬਾ ਕਰਦਾ ਹੈ, ਉਸ ਦਾ ਅੰਜਾਮ ਉਸ ਨੂੰ ਹੀ ਭੁਗਤਣਾ ਪਵੇਗਾ।
17 ਮੈਂ ਯਹੋਵਾਹ ਦੇ ਨਿਆਂ ਲਈ ਉਸ ਦੀ ਵਡਿਆਈ ਕਰਾਂਗਾ;+ਮੈਂ ਅੱਤ ਮਹਾਨ+ ਯਹੋਵਾਹ ਦੇ ਨਾਂ ਦਾ ਗੁਣਗਾਨ ਕਰਾਂਗਾ।*+
ਫੁਟਨੋਟ
^ ਜਾਂ, “ਮਾਤਮ ਦਾ ਗੀਤ।”
^ ਜਾਂ ਸੰਭਵ ਹੈ, “ਜਦ ਕਿ ਮੈਂ ਉਸ ਦੀ ਜਾਨ ਬਖ਼ਸ਼ ਦਿੱਤੀ ਜੋ ਬਿਨਾਂ ਕਿਸੇ ਕਾਰਨ ਮੇਰਾ ਵਿਰੋਧ ਕਰਦਾ ਹੈ।”
^ ਜਾਂ, “ਦਿਲਾਂ ਅਤੇ ਗੁਰਦਿਆਂ ਦੀ ਜਾਂਚ ਕਰਦਾ ਹੈ।”
^ ਜਾਂ, “ਸਖ਼ਤੀ ਨਾਲ ਸਜ਼ਾ ਸੁਣਾਉਂਦਾ ਹੈ।”
^ ਜਾਂ, “ਸੰਗੀਤ ਵਜਾ ਕੇ ਗੁਣਗਾਨ ਕਰਾਂਗਾ।”
