ਜ਼ਬੂਰ 86:1-17
ਦਾਊਦ ਦੀ ਪ੍ਰਾਰਥਨਾ।
86 ਹੇ ਯਹੋਵਾਹ, ਮੇਰੀ ਫ਼ਰਿਆਦ ਵੱਲ ਕੰਨ ਲਾ* ਅਤੇ ਮੈਨੂੰ ਜਵਾਬ ਦੇਕਿਉਂਕਿ ਮੈਂ ਦੁਖੀ ਅਤੇ ਗ਼ਰੀਬ ਹਾਂ।+
2 ਤੂੰ ਮੇਰਾ ਪਰਮੇਸ਼ੁਰ ਹੈਂ,ਮੇਰੀ ਜਾਨ ਦੀ ਰਾਖੀ ਕਰ ਕਿਉਂਕਿ ਮੈਂ ਵਫ਼ਾਦਾਰ ਹਾਂ,+ਆਪਣੇ ਸੇਵਕ ਨੂੰ ਬਚਾ ਜਿਸ ਨੂੰ ਤੇਰੇ ’ਤੇ ਭਰੋਸਾ ਹੈ।+
3 ਹੇ ਯਹੋਵਾਹ, ਮੇਰੇ ’ਤੇ ਮਿਹਰ ਕਰ,+ਮੈਂ ਸਾਰਾ-ਸਾਰਾ ਦਿਨ ਤੈਨੂੰ ਪੁਕਾਰਦਾ ਹਾਂ।+
4 ਆਪਣੇ ਸੇਵਕ ਨੂੰ ਖ਼ੁਸ਼ੀਆਂ ਬਖ਼ਸ਼ਕਿਉਂਕਿ ਹੇ ਯਹੋਵਾਹ, ਮੈਂ ਤੇਰੇ ਕੋਲ ਆਇਆ ਹਾਂ।
5 ਹੇ ਯਹੋਵਾਹ, ਤੂੰ ਭਲਾ ਹੈਂ+ ਅਤੇ ਮਾਫ਼ ਕਰਨ ਲਈ ਤਿਆਰ ਰਹਿੰਦਾ ਹੈਂ;+ਜੋ ਤੈਨੂੰ ਪੁਕਾਰਦੇ ਹਨ, ਤੂੰ ਉਨ੍ਹਾਂ ਨਾਲ ਬੇਹੱਦ ਅਟੱਲ ਪਿਆਰ ਕਰਦਾ ਹੈਂ।+
6 ਹੇ ਯਹੋਵਾਹ, ਮੇਰੀ ਪ੍ਰਾਰਥਨਾ ਸੁਣ;ਮੇਰੀ ਦੁਹਾਈ ਵੱਲ ਧਿਆਨ ਦੇ ਅਤੇ ਮੇਰੀ ਮਦਦ ਕਰ।+
7 ਮੈਂ ਬਿਪਤਾ ਦੇ ਵੇਲੇ ਤੈਨੂੰ ਪੁਕਾਰਦਾ ਹਾਂ,+ਤੂੰ ਮੈਨੂੰ ਜ਼ਰੂਰ ਜਵਾਬ ਦੇਵੇਂਗਾ।+
8 ਹੇ ਯਹੋਵਾਹ, ਦੇਵਤਿਆਂ ਵਿਚ ਕੋਈ ਵੀ ਤੇਰੇ ਵਰਗਾ ਨਹੀਂ,+ਤੇਰੇ ਵਰਗੇ ਕੰਮ ਕੋਈ ਨਹੀਂ ਕਰ ਸਕਦਾ।+
9 ਹੇ ਯਹੋਵਾਹ, ਤੂੰ ਜੋ ਕੌਮਾਂ ਬਣਾਈਆਂ ਹਨ,ਉਹ ਸਾਰੀਆਂ ਆ ਕੇ ਤੈਨੂੰ ਮੱਥਾ ਟੇਕਣਗੀਆਂ+ਅਤੇ ਤੇਰੇ ਨਾਂ ਦੀ ਮਹਿਮਾ ਕਰਨਗੀਆਂ+
10 ਕਿਉਂਕਿ ਤੂੰ ਮਹਾਨ ਹੈਂ ਅਤੇ ਹੈਰਾਨੀਜਨਕ ਕੰਮ ਕਰਦਾ ਹੈਂ;+ਹਾਂ, ਸਿਰਫ਼ ਤੂੰ ਹੀ ਪਰਮੇਸ਼ੁਰ ਹੈਂ।+
11 ਹੇ ਯਹੋਵਾਹ, ਮੈਨੂੰ ਆਪਣਾ ਰਾਹ ਸਿਖਾ।+
ਮੈਂ ਤੇਰੀ ਸੱਚਾਈ ਦੇ ਰਾਹ ’ਤੇ ਚੱਲਾਂਗਾ।+
ਮੇਰਾ ਮਨ ਇਕ ਕਰ* ਤਾਂਕਿ ਮੈਂ ਤੇਰੇ ਨਾਂ ਤੋਂ ਡਰਾਂ।+
12 ਹੇ ਮੇਰੇ ਪਰਮੇਸ਼ੁਰ ਯਹੋਵਾਹ, ਮੈਂ ਪੂਰੇ ਦਿਲ ਨਾਲ ਤੇਰੀ ਵਡਿਆਈ ਕਰਦਾ ਹਾਂ+ਅਤੇ ਮੈਂ ਹਮੇਸ਼ਾ ਤੇਰੇ ਨਾਂ ਦੀ ਮਹਿਮਾ ਕਰਾਂਗਾ
13 ਕਿਉਂਕਿ ਤੂੰ ਮੇਰੇ ਨਾਲ ਬੇਹੱਦ ਪਿਆਰ* ਕਰਦਾ ਹੈਂਅਤੇ ਤੂੰ ਮੇਰੀ ਜਾਨ ਨੂੰ ਕਬਰ* ਦੇ ਮੂੰਹ ਵਿਚ ਜਾਣ ਤੋਂ ਬਚਾਇਆ ਹੈ।+
14 ਹੇ ਪਰਮੇਸ਼ੁਰ, ਗੁਸਤਾਖ਼ ਲੋਕ ਮੇਰੇ ਖ਼ਿਲਾਫ਼ ਉੱਠ ਖੜ੍ਹੇ ਹੋਏ ਹਨ;+ਜ਼ਾਲਮਾਂ ਦੀ ਟੋਲੀ ਮੇਰੇ ਖ਼ੂਨ ਦੀ ਪਿਆਸੀ ਹੈਅਤੇ ਉਨ੍ਹਾਂ ਨੂੰ ਤੇਰੀ ਬਿਲਕੁਲ ਪਰਵਾਹ ਨਹੀਂ।*+
15 ਪਰ ਹੇ ਯਹੋਵਾਹ, ਤੂੰ ਦਇਆਵਾਨ ਅਤੇ ਰਹਿਮਦਿਲ* ਪਰਮੇਸ਼ੁਰ ਹੈਂ,ਤੂੰ ਛੇਤੀ ਗੁੱਸਾ ਨਹੀਂ ਕਰਦਾ ਅਤੇ ਤੇਰਾ ਅਟੱਲ ਪਿਆਰ ਅਤੇ ਵਫ਼ਾਦਾਰੀ* ਬੇਅੰਤ ਹੈ।+
16 ਮੇਰੇ ਵੱਲ ਧਿਆਨ ਦੇ ਅਤੇ ਮੇਰੇ ’ਤੇ ਮਿਹਰ ਕਰ।+
ਆਪਣੇ ਸੇਵਕ ਨੂੰ ਤਾਕਤ ਬਖ਼ਸ਼+ਅਤੇ ਆਪਣੀ ਦਾਸੀ ਦੇ ਪੁੱਤਰ ਨੂੰ ਬਚਾ।
17 ਤੂੰ ਮੈਨੂੰ ਆਪਣੀ ਭਲਾਈ ਦੀ ਕੋਈ ਨਿਸ਼ਾਨੀ ਦਿਖਾ*ਤਾਂਕਿ ਮੇਰੇ ਨਾਲ ਨਫ਼ਰਤ ਕਰਨ ਵਾਲੇ ਇਸ ਨੂੰ ਦੇਖ ਕੇ ਸ਼ਰਮਿੰਦੇ ਹੋ ਜਾਣ।
ਹੇ ਯਹੋਵਾਹ, ਤੂੰ ਮੇਰਾ ਮਦਦਗਾਰ ਹੈਂ ਅਤੇ ਮੈਨੂੰ ਦਿਲਾਸਾ ਦਿੰਦਾ ਹੈਂ।
ਫੁਟਨੋਟ
^ ਜਾਂ, “ਝੁਕ ਕੇ ਮੇਰੀ ਸੁਣ।”
^ ਜਾਂ, “ਮੇਰੇ ਮਨ ਦੀ ਦੁਚਿੱਤੀ ਦੂਰ ਕਰ।”
^ ਜਾਂ, “ਅਟੱਲ ਪਿਆਰ।”
^ ਜਾਂ, “ਉਹ ਤੈਨੂੰ ਆਪਣੇ ਸਾਮ੍ਹਣੇ ਨਹੀਂ ਰੱਖਦੇ।”
^ ਜਾਂ, “ਹਮਦਰਦ।”
^ ਜਾਂ, “ਸੱਚਾਈ।”
^ ਜਾਂ, “ਦਾ ਸਬੂਤ ਦੇ।”
