Salmo 102:1-28
Pikakasi na sakey a nalalames sano maneermen* tan ibabalikas toy kapagaan to ed si Jehova.+
102 O Jehova, dengel mo pay pikakasik;+Makasabi komon ed sika so ikekerew koy tulong.+
2 Agmo komon iyaamot so lupam diad panaon a nagogonigon ak.+
Ikiling mo pad siak so layag mo;*Komon ta ebatan mo ak a tampol sano ontatawag ak.+
3 Ta saray agew ko et naaandi a singa asewek,Tan saray pukel ko et apugit a singa panagpoolan.+
4 Say pusok et asakitan tan amagaan a singa dika,+Ta nalilingwanan koy mangan.
5 Lapud panuugaog ko,+Kapukepukel ak la.+
6 Singa ak pelikano diad saray agpanaayaman a pasen;Singa ak melag a kulayot diad saray geray.
7 Agak makakaugip;*Singa ak siwit a manbubukbukor ed atep.+
8 Inagew-agew ak a kakantiawan na kakabusol ko.+
Saramay mamabalaw ed siak* et uusaren day ngaran ko ed panag-ayew.
9 Ta say kakanen kon pinagkatinapay ko et dapol,+Tan say iinumen ko et nalalaokan na lua,+
10 Lapud pasnok tan sanok mo,Ta inalsam ak pian labat ibantak mo.
11 Saray agew ko et singa aninon kalkalnan nababalang,+Tan singa ak dikan namamagaan.+
12 Balet sika, O Jehova, mansiansia ka ya anggad angga,+Tan say inkabantog* mo et mansiansia diad amin a henerasyon.+
13 Seguradon onalagey ka tan kasian moy Sion,+Ta panaon la pian ipatnag mod sikato so kaabigan mo;+Asabi lay aturon panaon.+
14 Ta saray bato na padir to et labalabay na saray lingkor mo+Tan say dabok to et papablien da.+
15 Saray nasyon et ontakot ed ngaran nen Jehova,Tan amin ya arari ed dalin et ontakot ed gloriam.+
16 Ta ipaalagey lamet nen Jehova so Sion;+Ipatnag toy inkasikato a magloria.+
17 Imanoen toy pikakasi na saray pobri;+Agto busolen so pikakasi ra.+
18 Nisulat iya parad ontumbok a henerasyon,+Pian saray totoon iyanak* ni labat et idayew day Jah.
19 Ta si Jehova et onuusdong manlapud masanton pasen tod tagey,+Manlapud tawen et sikatoy onnenengneng ed dalin,
20 Pian dengelen toy akis na saray apriso,+Pian ibulos to iramay senentensiaan na ipapatey,+
21 Pian say ngaran nen Jehova et niyabawag diad Sion+Tan say dayew to diad Jerusalem,
22 Sano saray totoo tan saray panarianEt mantitipon pian manlingkor ed si Jehova.+
23 Asakbay ton inekal so biskeg ko;Pinatikey to ray agew ko.
24 Inkuan ko: “O Dios ko,Agmo panasampoten so bilay ko ta agak ni tinmatken,Sika a saray taon mo et onaabot diad amin a henerasyon.+
25 Inletneg mo ray pundasyon na dalin nensaman a panaon,Tan say katawenan et ginawa na saray limam.+
26 Naderal iratan, balet mansiansia ka;Amin da et singa kawes ya ondaan.
Singa ra kawes a salatan mo, tan naandi la ra.
27 Balet agka manguman, tan agbalot manampot iray taon mo.+
28 Saray anak na lingkor mo et manayam ed kaligenan,Tan saray ilalak da et mansiansia diad arapan mo.”+
Paimanod leksab
^ Odino “onkakapuy.”
^ Odino “Yuko ka tan dengel mo ak.”
^ Odino posiblin, “Inmebe-ebeng ak la.”
^ Odino “manluludlurey ed siak.”
^ Odino “ngaran.” Literal, “pakanodnonotan.”
^ Literal, “palsaen.”
