Salmo 18:1-50
Parad direktor. Kansion nen David a lingkor nen Jehova. Saray salita na sayan kansion et imbalikas tod si Jehova sanen sikatoy inliktar nen Jehova ed lima na amin a kabusol to tan ed lima nen Saul. Imbaga to:+
18 Inar-aro ta ka, O Jehova, say biskeg ko.+
2 Si Jehova so baleg a batok tan say panag-amotan ko tan samay mangililiktar ed siak.+
Say Dios ko so batok+ a pansasalimbengan ko,Say samper ko tan saklor* na kilalaban ko,* say maligen a salimbengan* ko.+
3 Ontawag ak ed si Jehova, a makanepegan na dayew,Tan niliktar ak ed saray kakabusol ko.+
4 Abariberan ak na saray lubir na ipapatey;+Ataktakot ak ed indagsa na totoon andi-kakanaan.+
5 Akalotan ak na saray lubir na Lubok;*Walad arapan ko iray patit na ipapatey.+
6 Tinmawag ak ed si Jehova lapud agonigon ak,Agak tinmundan kinmerew na tulong ed Dios ko.
Manlapud templo to et dinengel toy boses ko,+Tan akasabid sikato* so ikekerew koy tulong.+
7 Et yinmegyeg tan minmayegmeg so dalin;+Atenyeg iray pundasyon na saray palandeyTan yinmugayog iratan lapud sikatoy asanokan.+
8 Inmasewek so eleng to,Tan pinmaway ed sangi to so apoy a mangupot;+Pinmaway ed sikato iray ngalab a mandarlang.
9 Pinaabeba toy tawen tan sikatoy inmepas,+Tan walad salian to so makapal a lurem.+
10 Sikatoy tinmikyab ya akalugan ed sakey a kerubin.+
Mapmaples ya amaleksab legan a walad saray payak na sakey ya espiritun pinalsa.*+
11 Insan sikatoy sinmanib ed kabilungetan,+Akapaliber ed sikato so pinagka-ayaman to,Saray andekereket tan makapal a lurem.+
12 Manlapud liwawa a walad arapan to,Saray uran a kristal tan mandarlang a ngalab et tinmatalos ed saray lurem.
13 Insan pinakarol nen Jehova ed tawen;+Imparengel na Sankatagyan so boses to+A wala ray uran a kristal tan mandarlang a ngalab.
14 Inkekena to ray pana to tan nitaytayak iray kalaban ko;+Imbulos toy kirmat to tan agulo ra.+
15 Anengneng iray dalem na ilog;*+Pinmaway iray pundasyon na dalin diad pasnok mo, O Jehova,Diad kakasil na ingas a nanlapud eleng mo.+
16 Manlapud tagey et inggawat toy lima to;Binembenan to ak tan inagwat to ak ed aralem a danum.+
17 Inliktar to ak ed samay mabiskeg a kalaban ko,+Ed saramay mamubusol ed siak, a mas mabiskeg nen siak.+
18 Inataki da ak diad agew na paniirap ko,+Balet si Jehova so tinmulong ed siak.
19 Inyakar to ak ed maligen a pasen;*Inliktar to ak lapud naliliketan ed siak.+
20 Tutumangan ak nen Jehova unong ed inkatunong ko;+Babalesen to ak unong ed inkalinis na panagbilay ko.*+
21 Ta tinumbok ko ray dalan nen Jehova,Tan agak nanggaway mauges, agko tinaynan so Dios ko.
22 Amin a panangukom to et walad arapan ko;Agko ibaliwala iray inter ton totontonen.
23 Mansiansia ak ya andiay pakabalawan diad arapan to,+Tan paliisan koy panggawa na lingo.+
24 Balesen ak komon nen Jehova unong ed inkatunong ko,+Unong ed nanenengneng ton inkalinis na panagbilay ko.+
25 Diad samay matoor et onkikiwas kan matoor;+Diad toon andiay pakabalawan et midedeneng kan andiay pakabalawan;+
26 Diad samay malinis et ipapatnag moy inkasikan malinis,+Balet diad samay pikewet so panagbilay to et ipapatnag moy inkasikan masilib.+
27 Ta ililiktar mo iramay pakaskasi*+Balet iyaabebam so mapaatagey.*+
28 Ta sikay maneselsel ed lamparaan ko, O Jehova,Say Dios ko a mamapaliwawa ed kabilungetan ko.+
29 Diad tulong mo et nalabanan koy grupo na tulisan;+Diad pakayari na Dios et nakalab koy padir.+
30 Say tuan Dios et ayadyari so kimey to;+Say salita nen Jehova et puro.+
Sikatoy sakey a samper ed amin a manpapasalimbeng ed sikato.+
31 Ta siopa so Dios noag si Jehova?+
Tan siopa so bato noag say Dios tayo?+
32 Say tuan Dios et kakawesan to ak na biskeg,+Tan gawaen ton maptek so dalan ko.+
33 Saray salik et gagawaen ton singa sali na ulsa;Papaalageyen to ak diad atagey iran pasen.+
34 Ipapasal to ray limak a milaban;Sarag a pinaten na saray taklay ko so gansan pana.
35 Ilalaban mo ak diad panamegley na panagsamper mo,+Susuportaan* ak na kawanan a limam,Tan say inkamapaabebam so mangiyaatagey ed siak.+
36 Papaawangen moy dalan a panakaran ko;Pian agnakarunyas iray salik.*+
37 Usilan ko ray kakabusol ko tan naabotan ko ra;Agak ompawil anggad ag-ira naupot.
38 Kabilen ko ra anggad agla ra makabangon;+Nabaktar irad salian ko.
39 Ikdan mo ak na biskeg a milaban;Itumbam ed salian ko iray kalaban ko.+
40 Paatrasen mo ray kalaban ko,*Tan panganggaen* ko iramay mamubusol ed siak.+
41 Onkekerew iray tulong, balet anggapoy mangililiktar ed sikara;Ontatawag ni ra ingen ed si Jehova, balet agto ra eebatan.
42 Mekmeken ko ra anggad magmaliw iran singa dabok ed dagem;Ibantak ko ra a singa pitek ed saray karsada.
43 Iliktar mo ak ed panaanap na saray totoo ed kalilingoan ko.+
Gawaen mo ak a pangulo na saray nasyon.+
Saray totoon agko kabat et manlingkor ed siak.+
44 Anggan narengelan da labat et ontulok la rad siak;Saray dayo et onsingger ed siak a mankebet ira ed takot.+
45 Naandiay kasil na linawa* iray dayo;Manggiwgiw iran ompaway ed saray panag-amotan da.
46 Si Jehova et mabilay! Narayew komon so Batok!+
Nitandoro komon so Dios na kilalaban ko.+
47 Say tuan Dios so ombabales parad siak;+Ipapasakop tod siak iray totoo.
48 Ililiktar to ak ed saray onsasanok a kalaban ko;Iyaatagey mo ak sumpad saramay onaatakid siak;+Iyaagel mo ak ed maruksan too.
49 Kanian igloria ta ka ed limog na saray nasyon, O Jehova,+Tan kansionan ko na panangidayew so* ngaran mo.+
50 Sikatoy manggagawa na baleg iran panangiliktar* parad pinili ton ari;+Ipapatnag toy matoor a panangaro ed nilanaan to,+Ed si David tan ed ilalak* to diad andi-anggaan.+
Paimanod leksab
^ Odino “makapanyarin manangiliktar ko.”
^ Odino “say atagey tan maligen a pasen.”
^ Literal, “layag to.”
^ Odino “na dagem.”
^ Odino “iray aagusan na danum.”
^ Odino “ed maawang a pasen.”
^ Literal, “inkalinis na saray limak.”
^ Odino “napapairap.”
^ Literal, “matangsit iran mata.”
^ Odino “Papabiskegen.”
^ Odino “iray kalitkalit ko.”
^ Odino “Iter mod siak so tenger na saray kalaban ko.”
^ Literal, “pareenen.”
^ Odino “Onkapuy.”
^ Odino “mantogtog tan mangansion ak parad.”
^ Odino “baleg iran pananalo.”
^ Literal, “bini.”
