Salmo 20:1-9
-
Panangiliktar ed arin nilanaan na Dios
-
Say arum et manmamatalek ed saray karwahe tan kabayo, ‘balet ontatawag kamid ngaran nen Jehova’ (7)
-
Parad direktor. Kansion nen David.
20 Ebatan ka komon nen Jehova diad panaon na gonigon.
Salimbengan ka komon na ngaran na Dios nen Jacob.+
2 Iter to komon ed sika so tulong manlapud masanton pasen+Tan ikdan to ka na biskeg manlapud Sion.+
3 Nodnonoten to komon so amin ya iyaapay mo;Komon ta awaten to tekep na panangabobon* so apay mo a popoolan. (Selah)
4 Iter to komon ed sika iray pirawat na pusom+Tan gawaen ton matalona so amin a planom.*
5 Oneyag kamid liket lapud saray panangiliktar mo;+Idayew mi so ngaran na Dios mi.+
Komon ta ipagamor nen Jehova so amin a kerew mo.
6 Natan amtak la ya ililiktar nen Jehova so nilanaan to.+
Manlapud masanton tawen et eebatan toy pikakasi toDiad panamegley na baleg a panangiliktar* na kawanan a lima to.+
7 Say arum et manmamatalek ed saray karwahe tan say arum et diad saray kabayo,+Balet sikami, ontatawag kamid ngaran nen Jehova a Dios mi.+
8 Sikaray nababaktar tan napepelag,Sikami balet et ombabangon tan makakaalagey lamet.+
9 O Jehova, iliktar mo so ari!+
Ebatan to kami sano onkerew kami tulong.+
