Salmo 48:1-14
Sakey a kansion. Salmo na saray anak a lalaki nen Kora.+
48 Si Jehova et makapanyari tan sankamakanepegan na dayewDiad syudad na Dios tayo, diad masanton palandey to.
2 Say Palandey Sion diad arawin amianenEt marakdakep lapud kaatagey to, panliliketan na interon dalin,+Say syudad na Maglorian Ari.+
3 Diad saray malet a tori to,Impaamta na Dios a Sikatoy maligen a salimbengan.*+
4 Ta nantitipon* iray arari;Sankakaiba iran linma.
5 Kanengneng da ed syudad, nikelawan ira.
Ataranta tan kibatiktik ira lapud takot da.
6 Diman et ginmiwgiw ira,Pinasyay irap da a singa ed sakey a biin manaanak.
7 Diad panamegley na dagem a manlalapud bukig et gagaygayen mo ray barko na Tarsis.
8 Samay nadngelan mi et anengneng min mismo natanDiad syudad nen Jehova na saray armada, diad syudad na Dios mi.
Say Dios et iletneg to itan a malet ya anggad angga.+ (Selah)
9 O Dios, dadalepdepen mi so matoor a panangarom,+Legan a wala kamid loob na templom.
10 Singa say ngaran mo, O Dios, say dayew moEt nipapasabi anggad saray sampot na dalin.+Say kawanan a limam et napno na inkatunong.+
11 Manliket komon so Palandey Sion,+Manggayaga komon iray baley* na Juda, lapud saray panangukom mo.+
12 Manakar kayo ed paliber na Sion; liber yo itan;Bilang yo ray tori to.+
13 Imano yon maong iray pandepensan padir* to.+Nengneng yo ray malet a tori to,Pian nipaamta yo itan ed ontumbok iran henerasyon.
14 Ta sayan Dios so Dios tayo+ ed andi-anggaan.Iwanwan to itayo ya anggad angga.*+
Paimanod leksab
^ Odino “atagey tan maligen a pasen.”
^ Odino “nambabana.”
^ Literal, “ananak a bibii.”
^ Odino “iray malet a padir.”
^ Odino posiblin, “anggad ipatey tayo.”
