Salmo 96:1-13
96 Kansionan yo si Jehova na sakey a balon kansion.+
Kansionan yo si Jehova, O interon dalin!+
2 Kansionan yo si Jehova; idayew yoy ngaran to.
Agew-agew yon iyabawag so maong a balita nipaakar ed panangiliktar to.+
3 Iyabawag yoy gloria to diad saray nasyon,Saray makapakelaw a gawa to diad amin a totoo.+
4 Si Jehova et makapanyari tan sankamakanepegan na dayew.
Sikatoy makapadinayew nen say amin ni ran dirios.
5 Amin a dirios na saray totoo et andi-kakanaan a dirios,+Balet si Jehova so nanggawa na katawenan.+
6 Say katagyan* tan karlangan et walad arapan to;+Say biskeg tan karakpan et walad santuaryo to.+
7 Iter yod si Jehova so manepeg ed sikato, sikayo ran pamilya na saray totoo,Iter yod si Jehova so manepeg ed sikato lapud gloria tan biskeg to.+
8 Iter yod si Jehova so gloria a manepeg ed ngaran to;+Mangawit kayoy regalo tan la kayod saray sular na templo to.
9 Dakmomo* kayod si Jehova a say kawes yo et masanto;*Giwgiw kayod arapan to, O interon dalin!
10 Iyabawag yod saray nasyon: “Si Jehova et nagmaliw ya Ari!+
Say dalin et niletneg a malet, ag-itan nagalaw.*
Patas so pangukom to ed* saray totoo.”+
11 Manliket komon so katawenan, tan manggayaga komon so dalin;Onungol komon so dayat tan say amin a wadtan;+
12 Manliket komon so kaumaan tan amin a bengatlan wadtan.+
Tan oneyag komon ed liket so amin a kiew ed takel+
13 Diad arapan nen Jehova, ta sikatoy onsabi,*Sikatoy onsabi pian mangukom ed dalin.
Ukomen toy mundo diad inkatunong+Tan saray totoo diad katooran to.+
Paimanod leksab
^ Odino “kagalangan.”
^ Odino “Mandayew.”
^ Odino posiblin, “lapud karakpan na inkasanto to.”
^ Odino “natentenyeg.”
^ Odino “pangidepensa tod kaso na.”
^ Odino “sinmabi la.”
