Saray Bangat ya Mangiiter na Pag-asa
Impromisa na Dios ya wala ray gawaen ton pananguman diad arapen. Panganggaen to so kairapan tan ikdan to na maliket ya bilay iray totoo diad dalin. (Salmo 37:11) Akin ya panisiaan tayo itan ya impromisa to? Lapud “say Dios et aliwan singa sakey a too a makapantila.” (Numeros 23:19) Imanoen iray maong ya bengatlan gawaen na Amalsa.
Deralen na Dios Iray Mauges ya Totoo
“Say itutubon singa dika na marelmeng tan say ibubulaslas na amin a manggagaway mauges et nagagawa pian naderal ira ya anggad angga.”—SALMO 92:7.
Singa naaralan tayo ed apalabas ya artikulo, lalon ondadakel iray mauges ya nagagawa. Akin ya agtayo la pankelawan itan? On, ta nipasakbay lad Biblia diad 2 Timoteo 3:1-5 ya diad “kaunoran iran agew,” saray totoo et magmaliw ya mas lalon mauges. Kaunoran ya agew na anto? Na saray totoo ya agmanguunor ed Dios. Magano lan panganggaen na Dios iramay agda labay ya itunda iray mauges ya kagagawa ra. Saray maong ya totoo labat—saray manguunor ed Dios—so manbilay diad dalin. “Saray matunong et tawiren day dalin, tan manbilay ira ditan diad andi-anggaan.”—Salmo 37:29.
Deralen na Dios si Satanas
“Say Dios a mangiiter na kareenan et magano to lan mekmeken si Satanas.”—ROMA 16:20.
No anggapo la ray amin ya mauges, kaiba lay Satanas tan saray demonyo to, segurado ya mareen la so interon dalin. Oniay impromisa na Amalsa: ‘Anggapo la ray manaktakot.’—Miqueas 4:4.
Ekalen na Dios so Sakit tan Patey
“Say tolda na Dios et walad katooan . . . Tan punasen to so amin a lua ed kamataan da, tan anggapo lay patey, anggapo met lay panermen tan panakis tan panotot.”—APOCALIPSIS 21:3, 4.
Anggapo lay manirap tan mansakit lapud ekalen la na Dios so amin ya epekto na ginawa nen Satanas, Adan, tan Eva, pati say agtayo inkaperpekto. No gawaen la itan na Dios, “anggapo lay patey.” Manbilay ya anggapoy anggaan iray totoo ya mangaaro tan manguunor ed Amalsa. Balet, iner so panayaman da?
Pagmaliwen na Amalsa ya Paraiso so Interon Dalin
“Manliket so kalawakan tan say amagaan a dalin, tan manggayaga so patar a desierto tan manrosas a singa safron.”—ISAIAS 35:1.
No deralen la na Dios iray mauges, magmaliw ya paraiso so dalin! Napano itan na saray balibalin parke tan hardin, tan dakdakel so naakan. (Salmo 72:16) Malinlinis la iray dayat tan ilog kanian dakdakel ya pinalsa so nabilay ditan. Ompan naekal met lad bokabularyo tayo so salitan “polusyon!” Manpaalagey tan manayam iray totoo ed sarili dan abung. Anggapoy wadman ya anggapoy abung to, naerasan, odino mairap so bilay to.—Isaias 65:21, 22.
Bilayen na Dios Iray Inaatey
“Walay kioli.”—GAWA 24:15.
Kasin labay mo ya nanengneng lamet iray inatey lan inad-arom ed bilay? Bilayen ira na makapanyarin-amin a Dios diad Paraison dalin. Nabirbir mo ra tan nabirbir da ka met. Imadyin mo pay liket ya naliknam no nagawa itan! Balet kasin segurado tayo ya nagawa itan? On, ta nabasa ed Biblia iray totoo ya binilay tan akaiba da lamet iray pamilya da. Diad saray binilay nen Jesus, dakdakel ya totoo so akanengneng ed saratan.—Lucas 8:49-56; Juan 11:11-14, 38-44.
Ompan Nagustoan Mo Met
ONLIING!
Napnoy Problema so Mundo—Agka Naeekalay Pag-asa
Tutulongan itayo na Biblia ya nasarag iray problema tan mangiiter na pag-asa.
EBAT ED SARAY TEPET ED BIBLIA
Anto so Kikioli?
Ompan nabigla ka no naamtaan mo no siopa ray napaoli diad arapen.
ESSENTIAL BIBLE TEACHINGS
Anto so Kipapasen na Saray Inatey?
Impromisa na Biblia ya onsabi panaon et dakel ya inatey so napaoli, a singa agawad si Lazaro.
BANGAT NA BIBLIA
Salien so Panag-aral na Biblia
Salien so libre ya interactive ya panag-aral na Biblia ya walay personal ya manbangat ed sika.
