Sarag Mon Pilien No Antoy Bilay Mod Arapen
Manga 3,500 taon lay apalabas, imbaga nen Jehova a Dios ed saray mandadayew ed sikato no antoy kaukolan dan gawaen pian seguradon maong so bilay dad arapen: “Inyan kod arapan yo so bilay tan patey, say bendisyon tan say ayew; tan nepeg yon pilien so bilay pian manbilay kayo, sikayo tan saray kapolian yo.”—Deuteronomio 30:19.
Pian nawalaan iray maong ya bilay ed arapen, kaukolan ya duga so pilien da. Ontan met ed sikatayo natan. Ibabaga na Biblia no antoy gawaen tayo pian nawalaan tayoy maong ya bilay ed arapen: “Diad pangaro yod si Jehova a Dios yo, [tan] idengel yod sikato.”—Deuteronomio 30:20.
PANON TAYON AROEN TAN DENGELEN SI JEHOVA?
ARALEN SO BIBLIA: Pian naarom si Jehova, kaukolan mon aralen ya unona so tungkol ed sikato diad Biblia. Legan mon gagawaen itan, naamtaan mo ya sikatoy maar-aron Dios tan labalabay ton nawalaan kay sankaabigan ya bilay. Iimbitaan to kan manpikasi ed sikato ‘lapud iyaansakit to ka.’ (1 Pedro 5:7) Impromisa na Biblia ya no pansagpotan moy magmaliw ya maapit ed sikato, ‘sikatoy onapit ed sika.’—Santiago 4:8.
IYAPLIKAM IRAY NAARALAN MO: Dedengelen moy Dios no uunoren mo iray makabat ya bilin to ya walad Biblia. Legan mon gagawaen itan, “ontalona ka ed dalan mo, tan onkiwas kan walaay karunongan.”—Josue 1:8.
^ par. 7 Available la iya ed pitoran lenguahe, kaiba lay Mandarin tan Cantonese Chinese.
Ompan Nagustoan Mo Met
SAY PANAG-BANTAYAN
Sikay Manpili No Antoy Arapen Mo!
Wala ray totoo ya panisiaan dan say kapalaran o tadhana so mangokontrol ed bilay da. Pero talaga kasin tua itan?
