Pregunta Cu Bijbel Ta Contesta
Hende por biba pa semper?
E prome hende, Adam, a biba varios siglo. Sinembargo, cu tempo el a bira bieu y muri. Desde e tempo ey, hende a purba tur sorto di cos pa evita cu nan ta bira bieu y muri. Pero te ainda niun no a logra. Dicon? Adam su desobediencia a pone cu el a peca contra Dios y no por a biba pa semper mas. Como cu nos a hereda pica for di Adam, nos tambe ta bira bieu y muri.—Lesa Genesis 5:5; Romanonan 5:12.
Pa nos por biba pa semper, un hende tin cu paga un ‘rescate’ pa nos. (Job 33:24, 25, BPK) Rescate ta e prijs cu ta ser paga pa libra un hende; y den nos caso, pa libra nos for di morto. (Exodo 21:29, 30) Hesus a paga e rescate aki ora el a muri pa nos.—Lesa Juan 3:16.
Kico nos mester haci pa biba semper?
No ta tur hende lo ser libra di maleza y morto. Hende cu desobedece Dios, manera Adam a haci, lo perde nan bida. Ta solamente esnan cu haya pordon di nan picanan lo biba pa semper.—Lesa Isaias 33:24; 35:3-6.
Pa nos haya pordon di nos picanan, nos mester haci algo. Nos mester siña conoce Dios pa medio di un estudio di su Palabra. Bijbel ta siña nos con nos por disfruta di un mihor bida y tambe con nos por haya e aprobacion di Dios y bida eterno.—Lesa Juan 17:3; Echonan 3:19.