TOPICO PRINCIPAL | SIÑA CONOCE TESTIGONAN DI JEHOVA
Ken Testigonan di Jehova Ta?
Nos ta un organisacion internacional independiente cu no ta afilia na ningun otro organisacion religioso. Aunke nos sede mundial ta na Merca, mayoria di testigo di Jehova ta biba na otro pais. Nos ta rond di ocho miyon Testigo cu ta siña hende Bijbel den mas cu 230 pais. Dicon nos ta haci esey? Pasobra nos ta cumpli cu loke Hesus a bisa, esta, cu “e bon noticia aki di e Reino lo ser predica den henter e Tera habita, como testimonio pa tur nacion, anto e fin lo yega.”—Mateo 24:14.
Sin importa na unda nos ta biba, nos ta obedece ley. Sinembargo, nos ta keda neutral den asuntonan politico. Nos ta neutral pasobra nos ta sigui e guia cu Hesus a duna tur cristian, esta, pa “no ta parti di mundo.” Pues, nos no ta mete den ningun asunto politico ni nos no ta apoya guera. (Juan 15:19; 17:16) Ta pa motibo di nan neutralidad cristian mes nan a encarcela, tortura y mata testigonan di Jehova durante Segundo Guera Mundial. Un ex-obispo Aleman a bisa: “Nan ta e unico personanan cu por bisa cu nan a nenga di cumpli cu servicio militar pa motibo di nan consenshi durante e Tercer Reich.”
“[Testigonan di Jehova] tin normanan moral hopi halto. Nos lo por duna e tipo di hendenan ey, cu tin un spirito di sacrificio propio, e puestonan di mas halto den politica, pero nan nunca lo no acepta esey ... Nan ta respeta autoridad gubernamental, pero nan ta kere cu ta e Reino di Dios so por soluciona tur e problemanan di humanidad.”—Corant Nová Svoboda, Republica Checo.
Pero esey no kiermen cu nos ta isola nos mes di otro hende. Pasobra ora Hesus a haci oracion na Dios, el a haci e siguiente peticion pa su discipelnan: “Mi no ta pidi bo pa saca nan for di mundo.” (Juan 17:15) Pesey bo por mira nos ta traha, shop y bay scol manera tur otro hende.
You May Also Like
PREGUNTA CU BIJBEL TA CONTESTA
Kico e Reino di Dios Ta?
Wak dicon e Reino di Dios ta superior na tur otro gobierno.
