Tabata un dia friu cu hopi biento na Alberta, Canada. Bob tabata stuur su van na un velocidad di 100 kilometer pa ora. Diripiente un taira di patras a rementa. Na prome instante, Bob no a realisa kico a pasa y a dicidi di sigui core e cinco kilometernan cu tabata falta pa e yega cas.

 Den un carta cu el a manda despues pa e Salon di Reino local di testigonan di Jehova, Bob a splica kico a pasa. El a skirbi: “Cinco hoben den un auto a core na banda di mi, a habri nan bentana y bisa mi cu un di e tairanan a rementa. Nos a hala para cant’i caminda y nan a ofrece pa cambia e taira. Mi no tabata sa si mi tabatin jack ni taira di spare. Mi a sinta cant’i caminda den mi rolstoel. E hobennan a bay bou di e van, a haya e taira di spare y e jack y a cambia e taira. Tabata haci hopi friu y sneeuw tabata cay. Nan tabata nechi bisti, pero toch nan a yuda mi pa mi por a sigui mi caminda. Ami sigur lo no por a cambia e taira mi so.

 Mi ta gradici e cinco testigonan di Jehova hoben ey cu a yuda mi. Nan tabata na caminda pa bay predica di cas pa cas. E hobennan ey sigur ta practica loke nan ta predica. Nan a scapa mi for di un situacion masha dificil cu lo mi no por a sali for di dje mi so. Ken por a pensa cu e dia ey lo tabatin algun angel riba caminda pa yuda mi?”