Probablemente, e kos ku mas ta distinguí nos for di otro religion ta nos trabou di prediká ku nos ta hasi rònt mundu; nos ta prediká di kas pa kas, na lugánan públiko i kualke kaminda ku nos por haña hende. Dikon nos ta prediká?

Di promé, nos ta prediká pa alabá Dios i pa yuda hende konosé su nòmber. (Hebreonan 13:15) Di dos, nos ta prediká pasobra nos ke obedesé e siguiente mandamentu ku Hesukristu a duna: “Bai, i hasi hende di tur nashon mi disipel, . . . i siña nan kumpli ku tur loke mi a manda boso.”—Mateo 28:19, 20.

Ademas, nos ta prediká pasobra nos ta stima nos próhimo. (Mateo 22:39) Nos sa ku mayoria di hende tin nan mes kreensianan, i no ta tur hende ta interesá den nos mensahe. Pero nos ta konvensí ku loke Beibel ta siña por salba bida di hende. P’esei nos ta sigui e ehèmpel di e kristiannan di promé siglo, kendenan “sin stòp . . . a sigui siña hende i deklará e bon notisia tokante Hesus.”—Echonan 5:41, 42.

Mayoria di hende ku ta lesa nos publikashonnan no ta Testigu di Yehova. I miónes di hende ku ta risibí un kurso di Beibel serka nos ta pertenesé na otro religion. Pero tòg nan ta gradisidu ku Testigunan di Yehova ta bishitá nan.

Si bo tin mas pregunta tokante Testigunan di Yehova, sinti bo liber pa:

• Aserká un Testigu di Yehova.

• Bishitá nos website, www.mt1130.com..

• Asistí na nos reunionnan; entrada ta grátis i un i tur ta bon biní.