Beibel ta e buki mas plamá den historia, i hopi hende stim’é. Pero kisas bo a yega di puntra bo mes ta tokante kiko e buki famoso ei ta trata.

E foyeto Beibel i Su Mensahe ta duna bo un resúmen di Beibel ku por yuda bo komprondé e tema prinsipal di Beibel. Na un manera breve i dinámiko, e foyeto ta duna bo un bista general di Beibel, for di e relato di kreashon den e buki di Génesis te na e speransa emoshonante pa futuro ku e buki di Revelashon ta deskribí. E foyeto tin un liña ku ta indiká e tempu i sekuensia ku sierto suseso importante a tuma lugá. Ademas, e foyeto tin plachi bunita i pregunta masha interesante pa kòmbersá tokante dje.

Lesa Beibel i Su Mensahe online na spañó.