Nos trabou ta ser finansiá prinsipalmente pa medio di kontribushonnan boluntario di Testigunan di Yehova. Na nos reunionnan no tin pasamentu di kolèkt, i nos miembronan no tin nodi di paga diesmo. (Mateo 10:7, 8) Loke sí nos tin na nos lugánan di reunion ta kahanan di kontribushon pa ken ku ta deseá por hasi un donashon. No ta anunsiá kiko un hende duna.

Pa vários motibu nos gastunan no ta haltu. Na promé lugá, nos no tin pastor òf otro lider religioso ku ta kobra salario. Ademas, Testigunan di Yehova no ta risibí pago pa bai di kas pa kas, i nos lugánan di reunion ta masha simpel.

Tur donashon mandá na e sukursalnan di Testigunan di Yehova ta bai den un fondo pa yuda víktima di desaster natural, pa sostené nos misioneronan i sirbidónan biahero, pa yuda konstruí lugánan di reunion den paisnan di ménos rekurso i pa imprimí i manda Beibel òf otro publikashon bíbliko rònt mundu.

Kada persona ta disidí pa su mes si e ke hasi un donashon pa kubri gastunan lokal, pa e obra mundial òf pa ámbos propósito. Tur luna kada kongregashon ta prepará un relato finansiero pa informá su miembronan.