Alta Biblia diak el babier er a ukeruul engdi ngmeskid a ungil ulekrael. Aika el ulekrael a sebechel ngosuir a chad el ngar ngii a secherel a uldesuel. Molatk a bebil lochotel.

“A re diak el secher el chad a diak lousbech er a toktang; ng bai tirkel smecher ousbech er ngii.”​—MATEUS 9:12.

Biblia kmo nglocha mo kired losiik a ukeruul. A rebetok el ngar ngii a secherel a uldesuir a miltik el kmo ngilsuterir er a bo lungil medengelii a secherir e lolai a ngeso er a retoktang.

“Exercise a ungil er a bedenged.”​—1 TIMOTHY 4:8, CONTEMPORARY ENGLISH VERSION.

Sel dongoit a taem el meruul a tekoi el ungil kirel a bedenged e ngsebechel ngosuir a uldesued. Aika uldimukl er ngii a lengar ngii a schedule er kid el exercise, ungil diet er kid, e ungil a cheliued.

“A dmeu a rengul el reng a ungil kar, e a moalech el reng a mekdirt a chiuis.”​—OSISECHAKL 17:22.

Sel donguiu a bades el ngii a melisiich er kid e doruul a turrekong el sebeched el ruedem e ngngosukid el mo dmeu a rengud. Sel bo di dolatk a ungil tekoi er a klengar er kid e doumerang el kmo a blekeradel  a mo ungil er a ngar medad e ngngosukid loutekangel a secherel a uldesued.

“Ungil a le ngariou a rengud.”​—OSISECHAKL 11:2.

Ke locha mo metik el kmo ngdiak el sebechem el di kau el meruul a rokui el tekoi, me mkengei a ulengesurir a resechelim. A resechelim me a telungalek er kau a sorir lolengeseu engdi te locha diak lodengei el kmo te mekerang. Mouchais er tir el kmo ngngera kmal mo ngosukau. Bo letabesul a ngeso el molengit e moba omereng el saul el kirel a ngeso el lomeskau.

“Ak mlo feel el kmo ngngar ngii a kmung ngerang el diak el right me ak mlo omes er a toktang. Ngmle sebechek el metik el kmo ak klsakl. Tia ngilsukak el mo kongei er a secherek e mo medengei a rolel a ukeruul el ngar ngii el kirek me bo lsebechek lungil lomekerreu er a health er ngak.”​—Nicole, a el smecher er a secherel a uldasu el mesisiich a lerellii er a mood er ngii.

“Ak mla metik el kmo sel kunguiu er a Biblia lobengkel a bechik lomuchel er a sils er kemam e ngngosukak el mo olab a ungil uldasu. E ngar aike el sils el meringel er ngak outekangel, e ngngar ngii a ileakl el bades el kmal rutechii a renguk.”​—Peter, el smecher er a depression.

“Ngmle meringel er ngak ouchais er a rechad le kmal mle merur. Ngar ngii a sechelik el ulerrenges er ngak e ulechotii a klechubechub. Ngmera el ngilsukak el mo ungil a renguk e mo diak kumelechesiu el kmo ngkmal di ngak el tang.”​—Ji-yoo, el smecher er a secherel a uldasu el ngar ngii a lerellii er a omengelel.

“A Biblia mla ngosukak el moba tabesul el uldasu el kirel a ureor me a ulengull. A llomeserreng er ngii a mla ngosukak loutekangel a ringelel a renguk el kmal di oldechelakl er ngak.”​—Timothy, el ngar ngii a mekngit el uldesuel el rullii me ngmeringel er ngii el meruul a tekoi.