A siseball el delemerab a mle delemerab el mo soiseb er a Chedaol Delemerab er a templo. A doltirakl aike el oidel a New World Translation of the Holy Scriptures el tilobed er a uchei er a 2023, “e a delemerab er a siseball a mle 20 el cubit a tengel, e a kldidiul a mle 120.” (2 Kr. 3:​4, NW) A lmuut el bebil er a oidel a Biblia a melekoi el kmo a delemerab er a siseball a mle “120 el cubit” a kldidiul, el belkul a kmo ng 175 el fit a kldidiul!

Me nguaisei engdi a 2023 el printing er a New World Translation a mesaod er a templo er a Salomon el kmo: “E a kldidiul a 20 el cubit,” me a lechub e ng 30 el fit a kldidiul. a Molatk a eru el luchul me te mirruul er tia el omelodech.

A 1 King 6:3 a diak louchais er a kldidiul a siseball el delemerab. Ngar tia el bades e a Jeremia el milluches er ngii a ouchais er a delechel me a tengel a siseball el delemerab engdi ngdiak louchais er a kldidiul. E a ongingil el bliongel e ngkomakai el mesaod a klalo er a templo el ua chaibibeob el tangk el brons, tacher el kareta el brons, me a eruo el mechaibibeob el tang el brons. (1 Ki. 7:​15-37) A lsekum tia el siseball el delemerab a mle 175 el fit a kldidiul e lmuut el kedidai er aike el bebil er a basio er a templo, e ngera uchul me a Jeremia dimlak losaod el kirel? Mo lmuut er a betok el dart el rak er uriul me a remeluches el chad er a Chijudea a milluches el kmo a siseball el delemerab a di osisiu a kldidiul ngii me aike el bebil er a basio er a templo er a Salomon.

A rechellimosk a diak loumerang el kmo a kbekbel a templo a mle sebechel lotekur a 175 el fit a kldidiul el delemerab er a siseball. Aike el mekedidai el bad me a rengnga er a irechar el ua siseball er a templo er a Ekipten a mle meklou a tengel engdi sel lorael el mo er bab e ngmo meliliut a bebul. Engdi templo er a Salomon a mle ngodech. A rechellimosk a kmo a kbekbel a mle bekord el 6 el cubit me a lechub e ng 9 el fit a krekrel. A Theodor Busink el mesuub a rolel a lomekedechor er a irechar a kmo: “A krekrel a kboub er a siseball er a templo a uchul me ngdimlak el sebechel el 175 el fit a klemengetel a siseball el delemerab.”

A 2 Kronika 3:4 a locha cheleuid omelechesel. Alta bebil er a chuodel el iluil el babier a kmo “120” er tia el bades, me nguaisei aike el lmuut el bebil er a iluil el babier el sebeched el lultuil el ua Codex Alexandrinus el melluches er aike el rak er a 400 me a Codex Ambrosianus el melluches er aike el rak er a 500 a kmo “20 el cubit.” Ngera uchul me a chad el mle urerel el copy er a Biblia locha milecheuid e luchesii a “120”? A tekoi er a Hebru el “dart” me a “cubit” a kmeed el losisiu a teletelel. Me a chad el urerel el copy a sebechel mecheuid e luchesii a “dart” el diak el “cubit.”

Nguaisei alta kede melasem el mo medengei aika el tekoi e mo medengelii a mle melemalt el omesodel a templo er a Salomon, me nguaisei engdi kede focus er a templo el chungel a templo er a klereng. Kede kmal oba omereng el saul el Jehovah mla mengemedaol er a rokui el mesiungel el mo mesiou er ngii er tia el templo er a klereng!—Heb. 9:​11-14; Och. 3:12; 7:​9-17.