Vass Nemd’s fa di Bivvel Fashtay?

SHPEEL

Vass di Bivvel sawkt

Di Bivvel sawkt vass’s nemd fa si fashtay. Es macht nix aus vo ma kumd difunn, Gott sei vatt in di Bivvel “is nett zu veit ab fa eich zu fashtay un du.”—5 Mosi 30:11.

Vass’s nemd fa di Bivvel fashtay

Du da recht attitude havva. Eksept di Bivvel es Gott Sei Vatt. Sei humble, koss Gott shtayt geyyich selli es proud sinn. (1 Thessalonicher 2:13; Jakobus 4:6) Avvah, Gott vill nett havva es du alles glawbsht es du laysht adda heahsht unni selvaht shuah macha es’s di voahret is.—Römer 12:1, 2.
Bayt fa veisheit. Shpricha 3:5 sawkt “Faloss dich nett uf dei ayknah fashtand.” Avvah du vass Jakobus 1:5 sawkt, “loss een frohwa funn Gott” fa veisheit fa helfa di Bivvel fashtay.
Du reklah shtodya. Du zaylsht en latt may raus greeya vann du reklah shtoddisht in blatz funn yusht alsamohl.—Joshua 1:8.
Shtoddi bei subject. Vann ma reeli gukt vass di Bivvel sawkt uf en sirtendah subject, dann is sell en goodah vayk fa ausfinna vass di Bivvel aekshli em land. En goodah vayk is fa shteahra mitt “di eahshta lanninga” adda di sacha es eesiyah sinn fa fashtay, un no on gay zu may deefahri sacha. (Hebräer 6:1, 2) Du zaylsht ausfinna es du kansht shrifta kamperra mitt anri shrifta, un sell helft fa anri parts funn di Bivvel bessah fashtay, even selli “es hatt sinn zu fashtay.”—2 Petrus 3:16.
Grikk hilf funn anri. Di Bivvel veist uns es ma hilf eksepta sett funn anri leit es di Bivvel fashtayn. (Apostelgeschichte 8:30, 31) Jehova Sei Witnesses offera en Bivvel shtoddi program fa free. Yusht vi di Christians in di eahsht century, si yoosa shrifta fa anri helfa sayna vass di Bivvel aekshli sawkt.—Apostelgeschichte 17:2, 3.

Vass’s nett nemd fa di Bivvel fashtay

Shmeaht sei adda en education havva. Da Jesus sei 12 aposhtla henn di Shrifta fashtanna un si gland zu anri, even vann samm leit gmaynd henn “es si nett gland voahra im Ksetz un es si yusht kammeni leit voahra.”—Apostelgeschichte 4:13.
Geld. Du kansht lanna vass di Bivvel sawkt fa free. Da Jesus hott sei yingah ksawt: ‘Vass diah hend, hend diah free grikt. Doond’s aw viddah free gevva.’—Matthäus 10:8.