Hell (“Sheol” is’s vatt in Hebrew un “Hades” is’s vatt in Greek) maynd yusht da grawb, nett en blatz vo leit geponisht vadda mitt feiyah. Veah gayt zu di hell? Goodi leit un veeshti leit. (Hiob 14:13; Psalm 9:17) Di Bivvel sawkt es da grawb is “da blatz vo awl di levendicha zammah kumma.”​—Hiob 30:23.

 Even da Jesus is zu di hell ganga vann eah kshtauva is. Avvah, eah voah nett “in di hell” geblivva koss Gott hott een resurrect.​—Apostelgeschichte 2:31, 32.

Zayld di hell sei fa’immah?

 Awl selli es zu di hell gayn zayla viddah raus kumma koss da Jesus zayld si zrikk zu layva bringa deich Gott sei hilf. (Johannes 5:28, 29; Apostelgeschichte 24:15) In Offenbarung 20:13 sawkt’s “Da doht un di Hell henn di dohda ufgevva vo datt drinn voahra.” Dess is en prophecy es am shvetza is veyyich da resurrection in da future. Vann di hell moll leah gmacht is zayld’s kenn hell may sei. Nimmand zayld selayva viddah datt anna gay koss es “zayld kenn shtauves” may sei.​—Offenbarung 21:3, 4; 20:14.

 Avvah, nett alli-ebbah es shtaubt gayt zu di hell. Di Bivvel veist es samm leit vadda so wicked es si selayva nett tshaynsha zayla. (Hebräer 10:26, 27) Vann so leit shtauva, gayn si nett zu di hell, avvah zu Gehenna, sell maynd doht sei fa’immah. (Matthäus 5:29, 30, NWT ) Fa’n example, da Jesus hott ksawt es samm funn di zvay-zichtichi religious leaders in sei dawk zayla zu Gehenna gay.​—Matthäus 23:27-33, NWT.