Aum Aunfank muak ons Schepfa Räajlen fa de Ehe, un daut wia lang ea de Rejierungen Jesazen doafäa hauden. En daut ieeschte Buak en de Schreft sajcht daut: “Doawäajen jeit een Maun von siene Elren wajch, un veeenicht sikj met siene Fru, un see sent eent” (1. Mose 2:24, PB). En een Wieedbuak äwa Bibelwieed (Vine’s Expository Dictionary of Biblical Words) woat jesajcht, daut daut hebräische Wuat fa “Ehefru” bediet: “Daut es een Mensch, waut met daut Frues-Jeschlajcht jebuaren es.” Jesus säd uk, daut bloos “een Maun un eene Fru” sikj toop befrieen sullen (Matäus 19:4, PB).

 Gott wull haben, daut wan een Maun un eene Fru sikj toop befrieen, daut dee sikj vebungen feelen, sikj leewen un fa emma toop bliewen. De Maun un de Fru sent soo jemoakt, daut eena dän aundren kaun daut jäwen, waut dän fält: Unjastettunk, Leew, Sex, un soo kjennen dee uk Kjinja haben.