1. Ons majchtja Gott Jehova

haft grooten Iewa fa sien’ Nom’.

Derch Läajes un Jelasta

wort am väl Orrajcht aunjedon’.

Sien’ heiljen Nom’ to reinjen,

daut haft Gott aul lang jeplont,

doch blift hee noch jeduldich

un helt sien’ Oaja dol.

Wiels Gott ut Leew sikj trigjhelt,

lier’n väle noch de Woarheit kjan’.

Väl Menschen kjenn’ jerat woar’n,

doaderch daut Gott jeduldich wacht.

2. Jeduldich senn’ met aundre,

daut well Jehova bie ons seen’.

Daut halpt ons, daut wie ruich sent,

nich Wutt un Oaja en ons feel’n.

Jedult hopt jier’n daut baste,

sitt daut goode en een’ Mensch,

blift utjejlikjt em Trubbel

un frintlich bat aum Enj.

Jehova es ons Väabilt;

wie doon’ am no, soo goot wie kjenn’.

Sien Jeist saul en ons Frucht brinj’,

ons halpen biem jeduldich senn’.