Du kaust weisen Rot finjen
“Aule Schreft [es] von Gott jejäft” (2. Timotäus 3:16). Wan daut en disen Varsch sajcht “von Gott jejäft”, dan meent daut, daut de aulmajchtja Gott de Bibelschriewa siene Jedanken enjeef.
Gott well, daut die sien weisa Rot togood kjemt
“Ekj sie de HAR . . . Ekj lia die daut, waut goot fa die es, un wies die dän Wajch, dän du gonen saust. Wan du bloos hautst no miene Jebooten jehorcht, dan wurscht du Fräd jehaut haben, soo aus een Riefa, un Sachen wudden bie die soo rajcht stonen aus de Walen oppem Mäa” (JESAJA 48:17-18)
Nemm dise Wieed utem Varsch soo, aus wan Gott daut to die perseenlich sajcht. Hee well, daut du ennalich Fräd hast un fa emma schaftich best un hee woat uk doano seenen, daut du daut kjrichst.
Du kaust Gott sienen weisen Rot finjen
“Daut Evangelium [mott] aule Velkja jeprädicht woaren” (MARKUS 13:10)
Bie dise goode Norecht, ooda “Evangelium”, es aul daut met en, waut Gott vesproaken haft. Eenjet von daut es, daut Gott daut Lieden woat äwatsied brinjen, de Ieed to een Paradies moaken un daut hee dee wada woat toom Läwen brinjen, waut du väl jeräakjent hast. Jehova siene Zeijen prädjen dise goode Norecht äwa de gaunze Welt un dee stett sikj opp de Schreft.
Veleicht jleichst du uk dit
DE WOAKTORM
Kaun eena de Woarheit enne Schreft finjen?
Du kaust die werkjlich secha sennen, daut oppe Schreft to veloten es.
