Gott kjanen lieren brinjt ons am noda
Ons Schepfa es eene Persoon, nich bloos eene Krauft. Un hee haft eene sea feine Perseenlichkjeit. Hee well, daut wie lieren, woo hee es, un daut wie siene Frind woaren (Johanes 17:3; Jakobus 4:8). Doawäajen haft hee väl von sikj selfst bekauntjemoakt.
Ons Schepfa haft eenen perseeneljen Nomen
“Jahwe es sien Nomen” (AMOS 9:6, JHF)
De Schreft lieet, daut Jahwe, ooda Jehova, de eensich woara Gott es. Jehova haft aulet Läwen jemoakt un uk aulet aundre. Hee auleen vedeent daut, aunjebät to woaren (Openboarunk 4:11).
Jehova es een leeftolja Gott
“Gott es ons goot” (1. JOHANES 4:8)
Derch de Schreft un derch daut, waut hee jemoakt haft, wiest hee ons siene Perseenlichkjeit. Hee deit aules ut Leew, wäajen Leew es fa am daut wichtichste. Je mea wie von am lieren, je dolla woa wie am jleichen.
Jehova Gott vejeft wellich
“Du, mien Gott . . . vejeefst an” (NEHEMIA 9:17)
Jehova weet, daut wie Fäla moaken un doawäajen es hee wellich reed ons to vejäwen. Wan ons daut leet es un wie sajen am daut un wie doonen daut nich mea, dan vejeft hee ons un hee woat ons daut kjeenmol väahoolen, waut wie jedonen haben (Psalm 103:12-13).
Jehova well, daut wie to am bäden
“De HAR es aul dee noaun, dee am aunroopen . . . Hee hieet wan see schrieen” (PSALM 145:18-19)
Soo aus leeftolje Elren no äare leewe Kjinja horchen, soo horcht Jehova uk no onse Jebäda. Hee well nich, daut wie Kjriezen, Bilda un soo wieda aunbäden ooda ons besonda woo oppstalen.
Veleicht jleichst du uk dit
WAUT SAJCHT DE SCHREFT ÄWA ...?
Wäa es Jehova?
Es daut de Gott von bloos een Volkj, soo aus de Israeliten?
