FA EHELIED
2: Toopschaufen
WAUT BEDIET DAUT?
Wan een Ehepoa sikj eenich es un toopschaufen, dan sent dee soo aus een Zhett-Flieeja un dän sien Helpa. Dee wellen beid no deeselwje Städ. Un wan doa uk mol Schwierichkjeiten oppkomen, dan woaren dee beid doaräwa nodenkjen, woo see dän Trubbel toop kjennen fiksen enne Städ auleen.
WAUT DE SCHREFT SAJCHT: “Dan sent dee nich mea twee, oba een Fleesch” (Matäus 19:6).
Christopher sajcht: “En eene Ehe jeit daut nich bloos om eenem selfst. De Maun uk de Fru motten toopschaufen, wan dee daut saul scheen gonen.”
WUAROM ES DAUT WICHTICH?
Wan doa Schwierichkjeiten oppkomen un een Ehepoa nich toophelt, dan woat eena jäajen dän aundren schaufen enne Städ jäajen dän Trubbel. Un soo moaken dee von eene Eemskje eenen Eelefaunt.
Alexandra sajcht: “Daut es onbedinjt needich, daut Ehelied beid opp dautselwje schaufen. Wan ekj un mien Maun daut nich deeden, dan wia wie nuscht mea aus bloos twee Menschen, waut en dautselwje Hus wonden un nuscht toophauden. Un daut wudd daut schwoa moaken, waut wichtjet to entscheiden.”
WAUT KAUN EENA DOONEN?
UNJASIEEKJ DIE SELFST
-
Tal ekj daut Jelt, waut ekj vedeen, bloos aus “mien Jelt”?
-
Mott ekj onen mienen Ehepoatna sennen, wan ekj mie vereiwen well?
-
West du nuscht von daut Frintschoft von dienen Ehepoatna weeten, wan dien Ehepoatna daut Frintschoft uk väl räakjent?
RÄD MET DIENEN EHEPOATNA ÄWA DIT
-
En waut fa Stekjen doo wie sea fein toopschaufen?
-
En waut fa Stekjen wudd wie ons noch kjennen vebätren?
-
Waut krakjt kjenn wie doonen, daut wie noch bäta toopschaufen kjennen?
EEN ROT
-
Saj wie mol, de Ehestaunt es soo aus een Späl, wua daut twee Sieden jeft. Waut kjenn jie doonen, daut jie em Ehestaunt oppe selwje Sied sent un toopschaufen un nich eena jäajen dän aundren?
-
Enne Städ to denkjen: “Woo kaun ekj jewennen?”, denkjt leewa: “Woo kjenn wie beid jewennen?”
Ethan sajcht: “Daut es endoont, wäa em rajchten es ooda nich. Waut doa talt es, daut wie Fräd haben un ons eenich sent enne Ehe.”
WAUT DE SCHREFT SAJCHT: “Jie sellen nich bloos no daut kjikjen, waut junt selfst intressieet, oba uk no daut, waut dän näakjsten intressieet” (Filippa 2:3-4).
