Daut Enj von aulet schlajchte
Millionende Menschen haben daut jedonen, wua de väaje Artikjels von räden un haben daut jelieet, bäta äwa aundre to denkjen. Oba de Menschen kjennen nich met aulet schlajchte een Enj moaken. Woaren dee emma eenen Unjascheet moaken?
De baste Rejierunk
De Rejierungen hia oppe Ieed haben de Menschen äa denkjen nich kunt endren. Oba bediet daut dan, daut daut werkjlich kjeene Rejierunk jeft, waut daut doonen kaun?
Waut wudd eene Rejierunk doonen motten, daut doa kjeen Unjascheet mea manke Menschen jemoakt wort?
-
1. Dee wudd motten de Menschen bat doa brinjen, daut dee äa denkjen endren wullen.
-
2. Dee wudd motten met daut schlajchte een Enj moaken, daut de Menschen sikj unjarenaunda fein behaundlen wudden.
-
3. Dee wudd motten soone Leida haben, waut aulem rajcht behaundlen wudden.
-
4. Dee wudd motten doano seenen, daut mank aule Sorten Menschen Eenichkjeit wia.
De Schreft wiest ons, daut Gott aul soone Rejierunk oppjestalt haft. Daut es “Gott sien Rikj” (Lukas 4:43).
No waut woat dise Rejierunk seenen?
1. De Menschen daut rajchte lieren
“De Menschen [woaren lieren], waut rajcht es” (JESAJA 26:9)
“Wiels daut rajchte jedonen woat, woat doa Fräd sennen; un daut woat opp emma stell un secha sennen” (JESAJA 32:17)
Waut meent daut? Gott sien Kjennichrikj woat de Menschen lieren, waut rajcht es. Wan de Menschen ieescht woaren weeten, waut rajcht un orrajcht es, dan woaren dee uk aundasch äwa aundre denkjen. Dee woaren dan weeten, daut et gaunz rajcht es, aule Sorten Menschen to leewen.
2. Met daut schlajchte een Enj moaken
“Gott woat an aule Tronen von de Uagen weschen. Doa woat kjeen Doot ooda Trua ooda Hielen ooda Weedoag mea sennen, wiels waut verhäa wia, es veschwungen” (OPENBOARUNK 21:4)
Waut meent daut? Gott sien Kjennichrikj woat met aule Weedoag een Enj moaken, waut de Ojjerajchtichkjeit veuasoakt haft. Dan woaren soone, waut se ea schlajcht behaundelt haben, kjeene Uasoak mea haben doll to sennen.
3. Een gooda Leida
“Hee woat nich bloos doano rechten aus waut hee sitt ooda hieet, hee woat de oame met een jerajchtet Jerecht rechten un de stelle woat hee daut äaje jäwen” (JESAJA 11:3-4)
Waut meent daut? Jesus Christus es de Kjennich äwa Gott sien himlischet Kjennichrikj. Hee woat äwa de Ieed rejieren un aule rajcht behaundlen. Jesus talt kjeen Volkj fa bäta aus daut aundre un hee kaun doano seenen, daut aule Menschen oppe Welt sikj aun siene Jesazen hoolen.
4. Eenichkjeit
Gott sien Kjennichrikj lieet de Menschen, daut dee sikj eenich sent un sikj aula jlikjen goot sent un sikj “goot vedroagen un no eenalei sträwen” (FILIPPA 2:2)
Waut meent daut? De Menschen, wua Gott sien Kjennichrikj äwa rejieet, woaren nich bloos väajäwen, daut see sikj eenich sent. Dee woaren opp iernst Eenichkjeit haben, wiels dee sikj unjarenaunda werkjlich leewen.
