Foaken moakt eena manke Menschen eenen Unjascheet, wäajen eena nich krakjt om eene Sach omweet. Daut kjenn wie aun dise Biespels seenen:

• Eenje Wieets dochten, daut Frues nich soone Oabeiten doonen kunnen, wuatoo eena sea kluak, stoakj ooda utjelieet sennen mott.

• Eenjemol woat doa jesajcht, daut de Utlenda de Menschen de Oabeit wajchnämen.

• Väl Menschen jleewen, daut aule, waut behindat sent, emma truarich ooda ommootich sent.

Aul soont es bloos utjedochtet. Oba de Trubbel es, daut dee, waut daut jleewen, foaken denkjen, daut see doa Bewies fäa haben un daut de aundre onkluak sent, wan see daut nich jleewen.

“Wäa kluak es, sieekjt Weisheit” (SPRICHA 15:14)

Waut meent daut? Wan wie ons eene Sach nich unjastonen, dan woat daut met onse Entscheidungen schlajcht utkomen. Wan wie aun utjedochte Jeschichten jleewen, dan woa wie nich rajcht äwa aundre denkjen.

Wan wie doa omweeten, woo aundre werkjlich sent, dan woa wie daut nich soo leicht  jleewen, waut von dee romjerät woat. Un wan wie enwoaren, daut väl, waut von aundre romjerät woat, goanich soo es, dan woa wie daut nich emma fuaz jleewen, oba ons daut ieescht unjastonen.

• Foaken räden se schlajcht äwa eene Sort Menschen. Oba denkj doaraun, daut nich aule von dise Sort soo sent, aus von dee jesajcht woat.

• Hool em Denkj, daut du veleicht nich aules von aundre weetst.

• Sieekj die opp soone Städ waut no, wua du die opp veloten kaust.