Väle Menschen jleewen, daut Kjriez es daut wichtichste Tieekjen fa dän Christengloowen. Wuarom brucken Jehova siene Zeijen daut dan nich, wan dee doch Christen sent?

 Een Grunt es, daut de Schreft auntovestonen jeft, daut Jesus nich aum Kjriez jestorwen es, oba aun eenen Pol. Un en de Schreft finjen Christen uk daut Jeboot: “Rant wajch vom Jettadeenst” (1. Korinta 10:14, De Plautdietsche Bibel; 1. Johanes 5:21). Doa wudd uk met en sennen, nich daut Kjriez to brucken.

 Un Jesus säd je uk: “Wan jie Leew unjarenaunda haben, woat aulemaun seenen, daut jie miene Jinja sent” (Johanes 13:34-35, De Plautdietsche Bibel). Met dit muak Jesus kloa, daut siene Nofolja wudden aun de woare Leew to kjanen sennen, un nich aun daut Kjriez ooda sest een Tieekjen.