جی ہاں۔ تھلے خدا دے کلام چوں کجھ ودھیا مشورے دِتے گئے نیں جنہاں تے عمل کر کے لکھاں لوکاں نے اپنے گھر نُوں خوشیاں نال بھر لیا اے۔‏

1.   اپنی شادی نُوں رجسٹر کراؤ۔‏ اِک ایہو جہی شادی جیہڑی حکومت دے کھاتیاں چ رجسٹر ہوئے اوہ ساری عمر دا اِک بندھن ہوندی اے تے خوش‌حال گھریلو زندگی دی بنیاد ہوندی اے۔—‏متی 19:‏4-‏6‏۔‏

2.   محبت تے احترام وکھاؤ۔‏ ایہدا مطلب ایہہ وے کہ اپنے جیون ساتھی دے نال اُنج ای پیش آؤ جنج تُسی چاہندے او کہ اوہ تواڈے نال پیش آئے۔—‏متی 7:‏12؛‏ اِفسیوں 5:‏25،‏ 33‏۔‏

3.   سختی نال گل کرن توں بچو۔‏ اپنے جیون ساتھی نال اوہدوں وی پیار تے نرمی نال گل کرو جدوں اوہ کسے گل یاں کم دے ذریعے تواڈا دل دُکھاندا اے۔ (‏اِفسیوں 4:‏31، 32‏)‏ ایس بارے امثال 15:‏1 دَسدی اے:‏ نرم جواب غصے نُوں دُور کر دیندا اے پر سخت گلاں لڑائی جھگڑا پیدا کردیاں نیں۔‏

4.   اِک دُوجے دے وفادار رہوو۔‏ محبت بھرے تے جنسی جذبات صرف اپنے جیون ساتھی لئی رکھو۔ تے ایہناں نُوں صرف اوہدے لئی ظاہر کرو۔ (‏متی 5:‏28‏)‏ عبرانیوں 13:‏4 چ دَسیا گیا اے:‏ شادی دا بندھن سارے لوکاں دی نظر چ عزت والا ہوئے تے میاں بیوی دے تعلقات پاک رہن کیونکہ خدا حرامکاراں تے زناکاراں دی عدالت کرے گا۔‏

5.   اپنے بچیاں دی تربیت پیار نال کرو۔‏ بچیاں نُوں نہ تے حدوں ودھ ڈھل دَوو تے نہ ای اوہناں تے حدوں ودھ سختی کرو۔—‏امثال 29:‏15؛‏ کُلسّیوں 3:‏21‏۔‏