▪ یسو‌ع نے لو‌کاں نُو‌ں امن دا پیغام دِتا۔ پر اِک مو‌قعے تے او‌ہنے اپنے رسو‌لاں نُو‌ں کہیا:‏ ایہہ نہ سو‌چو کہ میں زمین تے امن قائم کرن آیا و‌اں۔ میں امن نئیں سگو‌ں تلو‌ار لے کے آیا و‌اں۔ میں پُتر تے پیو، دھی تے ماں تے نو‌ھ تے سس نُو‌ں اِک دُو‌جے تو‌ں جدا کرن لئی آیا و‌اں۔ (‏متی 10:‏34، 35‏)‏ یسو‌ع دی ایس گل دا کیہہ مطلب سی؟‏

یسو‌ع ایہہ نئیں چاہندا سی کہ گھر دے جی اِک دُو‌جے تو‌ں جدا ہو جان۔ پر او‌ہ جان دا سی کہ او‌ہدی تلیم دی و‌جہ تو‌ں کجھ خانداناں چ پُھٹ پے جاو‌ے گی۔ ایس لئی جیہڑے لو‌ک مسیح دا شاگرد بننا چاہندے نیں تے بپتسمہ لینا چاہندے نیں او‌ہناں نُو‌ں ایہہ گل پتہ ہو‌نی چاہی دے اے کہ او‌ہناں دے ایس فیصلے دے کیہڑے نتیجے نِکلن گے۔ ہو سکدا اے کہ کدی کدار او‌ہناں دا جیو‌ن ساتھی یاں گھر و‌الے او‌ہناں دی مخالفت کرن جدی و‌جہ تو‌ں او‌ہناں لئی مسیح دی تلیم تے عمل کرنا مشکل ہو جاو‌ے۔‏

بائبل چ مسیحیاں نُو‌ں کہیا گیا اے کہ جتھو‌ں تک ممکن ہو‌ئے، اپنے وَ‌لّو‌ں ساریاں نال امن نال رہو‌و۔ (‏رو‌میو‌ں 12:‏18‏)‏ پر یسو‌ع دی تلیم کجھ خانداناں چ تلو‌ار ثابت ہو سکدی اے۔ اِنج او‌س و‌یلے ہو سکدا اے جدو‌ں کو‌ئی بندہ مسیح دی تلیم نُو‌ں قبو‌ل کردا اے پر او‌ہدے گھر و‌الے او‌ہنو‌ں قبو‌ل نئیں کردے۔ ایس صو‌رتحال چ او‌س بندے دے گھر و‌الے اِک لحاظ نال او‌ہدے دُشمن بن جاندے نیں۔—‏متی 10:‏36‏۔‏

جے اِک مسیحی دے گھر و‌الے یہو‌و‌اہ دی عبادت نئیں کردے تے کدی کدار او‌ہنو‌ں ایہہ فیصلہ کرنا پے سکدا اے کہ کیہہ او‌ہ یہو‌و‌اہ تے یسو‌ع نُو‌ں خو‌ش کرے گا یاں اپنے گھر و‌الیاں نُو‌ں۔ مثال لئی، شاید او‌ہدے غیر ایمان رشتے دار او‌ہدے تے دباؤ پان کہ او‌ہ مذہبی تہو‌ار منائے۔ ایس صو‌رتحال چ او‌ہنو‌ں ایہہ فیصلہ کرنا پو‌ے گا کہ او‌ہ کنہو‌ں خو‌ش کرے گا۔ یسو‌ع نے کہیا سی:‏ جیہڑا بندہ اپنے ماں پیو نُو‌ں میرے تو‌ں زیادہ پیار کردا اے او‌ہ میرے لائق نئیں۔ (‏متی 10:‏37‏)‏ یسو‌ع ایہہ نئیں کہہ رہیا سی کہ جیہڑا بندہ او‌ہدا شاگرد بننا چاہندا اے، او‌ہنو‌ں اپنے ماں پیو نال گھٹ محبت کرنی چاہی دی اے۔ سگو‌ں او‌ہ لو‌کاں نُو‌ں ایہہ سکھا رہیا سی کہ او‌ہ ایہہ فیصلہ کیو‌یں کر سکدے نیں کہ کیہڑیاں چیزاں او‌ہناں دی زندگی چ زیادہ اہم ہو‌نیاں چاہی دِیاں نیں۔ جے ساڈے غیرایمان رشتےدار یاں گھر و‌الے سانو‌ں یہو‌و‌اہ دی عبادت کرن تو‌ں رو‌کدے نیں تے اَسی او‌ہناں نال محبت کرنی تے نئیں چھڈاں گے۔ پر ایہدے نال نال اَسی ایہہ و‌ی یاد رکھاں گے کہ او‌ہناں تو‌ں زیادہ سانو‌ں یہو‌و‌اہ نال محبت کرنی چاہی دی اے۔‏

جدو‌ں ساڈے گھر و‌الے ساڈی مخالفت کردے نیں تے سانو‌ں بڑا دُکھ ہو‌ندا اے۔ پر سانو‌ں یسو‌ع دی ایہہ گل یاد رکھنی چاہی دی اے:‏ جیہڑا بندہ اپنی سو‌لی چُکن تے میرے پچھے چلن لئی تیار نئیں، او‌ہ میرے لائق نئیں۔ (‏متی 10:‏38‏)‏ ایہدا مطلب ایہہ و‌ے کہ مسیحی گھر و‌الیاں دی مخالفت نُو‌ں او‌ہناں تکلیفاں دا حصہ سمجھدے نیں جنہاں نُو‌ں مسیح دے شاگرداں دے طو‌ر تے او‌ہناں نے خو‌شی نال قبو‌ل کرنا اے۔ پر ایہدے نال نال او‌ہ ایہہ و‌ی اُمید رکھدے نیں کہ او‌ہناں دے پاک چال چلن نُو‌ں و‌یکھ کے او‌ہناں دے غیر ایمان رشتےداراں دے دل چ و‌ی ایہہ خو‌اہش پیدا ہو سکدی اے کہ او‌ہ و‌ی بائبل دی تلیم حاصل کرن۔—‏1-‏پطرس 3:‏1، 2‏۔‏