Dahme Paipel Mahsanih?
E pahn kak mie popohl nin sampah?
Dahme ke pahn nda?
Ei
Soh
Mwein
Dahme Paipel mahsanih
Pahn kaundahn Sises Krais, ‘popohl pahn poatopoat erein maram eh kin kamakamarainih wasa,’ me wehwehki kohkohlahte.—Melkahka 72:7.
Dahme kitail pil kak sukuhlkihsang Paipel?
Aramas suwed kan pahn koakoahksang nin sampah oh met pahn kahrehiong aramas mwahu kan en “paiamwahu oh popohl.”—Melkahka 37:10, 11.
Koht pahn ketin katokehdi mahwen koaros.—Melkahka 46:8, 9.
Ia duwe, kitail kak ahneki madamadau nsenamwahu ahnsou wet?
Ekei aramas kamehlele . . . me madamadau nsenamwahu sohte kak dierek pwehki sampah wet me diren lokolok oh wiewia sapahrek kan. Ia omw madamadau?
Dahme Paipel mahsanih
Pil ni ahnsou wet, irail kan me kin karanih Koht kak ahneki “sapwellimen Koht popohl, me inenen laudsang uwen atail dehdehki.”—Pilipai 4:6, 7.
Dahme kitail pil kak sukuhlkihsang Paipel?
Koht ketin inoukihda me e pahn ketikihsang lokolok oh wiewia sapahrek, e pahn ketin “onehda sapahl mehkoaros!”—Kaudiahl 21:4, 5.
Kitail kak alehdi nsenamwahu loalatail sang ni atail pahn nsenohki atail anahn en karanihala Koht.—Madiu 5:3.
