Jesusqa mana juchasapa runachu karqa. Chayrayku mana noqanchej jinachu ashkha llakiykunasniyoj karqa. Jinapis payqa runasmanta sonqonta nanachikorqa, tukuy imatataj ruwarqa paykunata yanapananpaj. Arí, Jesusqa runasmanta khuyakorqa. Chayta yachakusunman kay libroj 32, 37, 57, 99 capitulosninpi.

Tukuy runas, wawitaspis, viejitospis mana manchachikuspa Jesusman qayllaykoj kanku. Jesusqa mana may kasqanta yuyakojchu, nitaj runastapis manchachejchu. Jesusqa wajkunamanta llakikoj, runastaj paywan parlarispa kusikoj kanku. Chayta yachakusunman kay libroj 25, 27, 95 capitulosninpi.

Jesusqa Tatan Jehovaman sapa kuti orakoj: sapallan kashaspa, yachachisqasninwan kashaspa ima. Payqa mana mikhunallanpajchu orakoj. Orakushaspataj Tatanman agradecekoj, payta jatunchaj, yuyaychaynintataj mañakoj. Chayta reparasunman kay libroj  24, 34, 91, 122, 123 capitulosninpi.

Jesusqa samarikunan kashajtinpis, runasta yanapananpaj tiempochakoj. Payqa mana payllapichu yuyaj. Chayrayku paymantaqa ashkhata yachakusunman. Imaynatachus pay jina ruwanata kay libroj 19, 41, 52 capitulosninpi yachakusunman.

Jesusqa mana wajkunata perdonanallatachu yachacherqa. Manachayqa pay kikin yachachisqasninta perdonarqa, jinallataj waj runastapis. Chayta yachakusunman kay libroj 26, 40, 64, 85, 131 capitulosninpi.

Bibliaqa Jesús jamunanpaj may chhika watas faltashajtin, nerqaña judíos payta qhesachanankuta, enemigosnintaj wañuchinankuta. Chayrayku Jesús niyta atinman karqa: “Qhasillata willasaj”, nispa. Jinapis Diosmanta tukuy atisqanta yachacherqa. Chaytaj mayta yanapawasunman qhatiykachasqa kajtinchej chayri runas willasqanchejta mana uyariyta munawajtinchej. Chaymanta astawan yachakusunman kay libroj 16, 72, 103 capitulosninpi.

Jesusqa mana juchayojchu nacekorqa. Chayrayku ni pi runapis pay jina yachayniyojchu karqa. Arí, ni pipis pay jinaqa karqachu. Jinapis Jesusqa kʼumuykukoj karqa, wajkunatataj sirverqa. Chaymantataj astawan yachasunman kay libroj 10, 62, 66, 94, 116 capitulosninpi.

Jesusqa manchay pacienciayoj karqa apostolesnin, wajkuna ima pantajtinku chayri mana kasukojtinku. Payqa pacienciawan kutin kutita yachachisqasninta yanaparqa, Jehová Diosman qayllaykunankupaj. Imayna pacienciayojpunichus kasqantaqa, kay libroj 74, 98, 118, 135 capitulosninpi yachakuwaj.