Allintaraj yachay
¿Imatataj runas yuyanku?
Wakin kuteqa wajkunata sajra ñawiwan qhawanchej mana allinta yachaspa. Imastachus runas yuyasqankuta qhawarina:
-
Wakin patronesqa pantanku, warmis wakin trabajosta mana ruwayta atisqankuta nispa.
-
Ashkha runasqa ninku campo runas mana trabajasqankuta, borrachostaj kasqankuta.
-
Ashkha runasqa creenku, mana sano runas kajkunaqa llakisqalla, phiñasqallataj kausakusqankuta.
Chay jina cuentosta creej runasqa, chaykunata valechinku wajkunata sajra ñawiwan qhawanankupaj. Mana paykuna jina yuyajkunatataj, sajra ñawiwan qhawanku.
Biblia niwanchej
“Mana allinchu mana yachayniyoj kanaqa” (PROVERBIOS 19:2).
¿Ima niyta munan? Mana allinta yachaspaqa pantaykusunpuni. Wajkuna cuentawasqallanchejta kasuspa, nitaj imaynapunichus kasqanta yachaspaqa, wajkunata sajra ñawiwan qhawasun.
Allinta yachay yanapawanchej
Pillatapis allinta rejsispaqa, paymanta llullasta parlasqankuta mana creellasunchu. Imastachus uj grupo runasmanta niwasqanchej llulla kasqanta yachaspaqa, nillataj creesunchu imatachus waj grupo runasmanta niwasqanchejtapis.
¿Imatá ruwasunman?
-
Uj lugarmanta uj runalla mana allin imasta ruwajtenqa, ama yuyanachu tukuy ajina kasqankuta.
-
Mana tukuy imatapunichu wajkunamanta yachasqanchejta yuyarikuna.
-
Mana pejpa nisqantapis creenallachu.
Kaykunatapis qhawaykurillawajtaj
TORREMANTA QHAWAJ
¿Imatá Biblia yachachin?
¿Dios wakillantachu allinpaj qhawan? ¿Wakin runasllatachu bendecin, wakintataj maldecinchu?
