¿Imaspitaj runas creenku sumajta kausakunankupaj?
Ashkha runasqa kusisqa kausakunankupaj wakin imaspi creenku. Chayrayku chay imasta manchayta ruwanku.
¿IMASPÍ CREENKU?
ESTRELLASPI SUERTETA QHAWANKU. Wakin runasqa uj wawita nacekushajtin estrellasta qhawanku. Chantá chay qhawasqankuman jina ninku chay wawitaj kausaynin imaynachus kananta. Chayrayku horóscopo nisqata qhawanku chayman jina kausayninkupi imatapis ruwanankupaj.
YATIRISMAN RINKU. Wakin runasqa yatirista tapukamunku kausayninkumanta, mana llakiypi rikukunankupaj imatachus ruwananku kasqanmanta ima. Kusisqa kausakuyta munasqankuraykutaj yatirispa nisqankuman jina ruwanku.
WAÑUSQASTA YUPAYCHANKU. Wakin runas creenku wañusqasninku chayri diosesninku paykunata jarkʼananpaj, bendecinanpajtaj mana phiñachinankuchu kasqanta. Vietnam suyumanta Van sutiyoj warmi, * nin: “Creerqani wañusqa familiaresniyta yupaychaspaqa, wawasniywan kay tiempopi jinallataj aswan qhepamanpis sumajta kausakunaykuta”, nispa.
ALMA MANA WAÑUSQANPI CREENKU. Ashkha runas creenku pillapis wañupojtin watejmanta waj cuerpopi chayri waj imapi kausarimusqanta. Nillankutaj kausarimuspa imaspichus rikukusqankoqa, kausashaspa imastachus ruwarqanku chayman jinalla kasqanta.
Ashkha runasqa mana kay imaspi tukuy sonqo creespapis horóscopo nisqata qhawanku chayri cocapi, naipespi, makisninkupi ima suertenkuta qhawachikamunku. Ajinamanta yachanankupaj imaynachus kausayninku kananta.
¿IMASPITAJ RIKUKORQANKU?
Kay imaspi creej runas, ¿sumajtapunichu kausakunku?
Vietnam suyumanta Hào sutiyoj runamanta parlarina. Payqa wañusqasta yupaychaj, chantapis estrellaspi suerteta qhawajkunapi creej. ¿Chay imaspi creesqan yanaparqachu? Hào nin: “Negocioypi mana allinchu riwarqa, manuchakorqani, familiaypi ashkha problemas rikhurimorqa, may llakisqataj kasharqani”, nispa.
Qiuming sutiyoj runa Taiwanpi tiyakun. Payqa estrellaspi suerteta qhawajkunapi creej, alma mana wañusqanpi, wañusqasta yupaychana kasqanpi ima. Chaywanpis chay imasmanta astawan yachaspa kayta nerqa: “Repararqani kay creencias churanakusqankuta, nitaj sutʼichu kasqankuta. Imaraykuchus estrellaspi suerteta qhawajkunaqa sapa kuti pantanku. Chantapis waj cuerpopi chayri waj imapi kausarimunki chay, nitaj ñaupa kausayniykimanta yuyakunkichu chay, ¿imaynatá sumaj runa kanaykipaj kallpachakuwaj?”, nispa.
“Repararqani kay creencias churanakusqankuta, nitaj sutʼichu kasqankuta” (QIUMING, TAIWÁN).
Hào, Qiuming waj runas ima repararqanku estrellaspi suerteta qhaway, alma mana wañusqanpi creey chayri wañusqasta yupaychana kasqanta creeyqa, mana sumaj kausayniyoj kanapaj yanapawasqanchejta. Jina kajtin, ¿imataj yanapawasunman sumaj kausayniyoj kanapaj?
Ashkhasqa yuyanku sumaj kausayniyoj kanapaj profesional kana kasqanta chayri qhapaj kana kasqanta. Jinapis paykuna, ¿kusisqachu kausakunku?
^ párr. 6 Wakin sutisqa mana chaychu.
^ párr. 16 Kayqa Bibliapi Gálatas 6:7 versiculopi kashan.
Kaykunatapis qhawaykurillawajtaj
TORREMANTA QHAWAJ
Suerteta qhawajkunata, ¿creenachu kanman?
Suerteta qhawajkunaj nisqankupi, ¿atienekusunmanchu?
TORREMANTA QHAWAJ
¿Imatá Biblia nin kausaymanta wañuymantawan?
¿Wañupojtinchej imallanchejpis kausashallanpunichu? ¿Imallanchejpis kanchu mana wañuyta atej? ¿Maymantaj wañuspa rinchej?
