Briana jutiyoj jipash 15 watayojpita nin: “Bibliata leiyga camargämi, pero alapa achca letrayojmi”.

¿Gampis chaynocu sienticunqui? Chaurasga cay tema yanapäshunquimi.

•  ¿Imanirtaj Bibliata leinayqui?

•  ¿Imanopataj Bibliata leinquiman?

•  Waquin mozo-jipashcuna ima nipäcushgan

Öraga capazchi guelanacurinquiman Bibliata leinayquipaj. ¿Imanir? Canan wichan telivisiuncho y videucunacho yargamojcunawan tincuchishgaga, Bibliaga capaz paresipashunquiman dibujuynaj y fotuynaj achca letracunala.

Pero imaraj canman cuyaylapa macwayashga tesoruyoj cajata tariycurga, ¿manachuraj rasla quichayta munanquiman?

Chaynomi Bibliapis. Chaychoga shumaj yachachicuycunatami tarinqui y caycunacho yanapäshunqui:

• Mana pantaypa decidinayquipaj.

• Taytayquicunawan ali cawacunayquipaj.

• Ali amigucunata tarinayquipaj.

• Nitipacashga mana sienticunayquipaj.

¿Imanotaj unay libro caycarpis yanapämashwan ali cawacunapaj? Quiquin Bibliami nin “Diosninchëga palabranta quiquinmi esquirbichiran” (2 Timoteo 3:16). Chayga ninanmi Bibliacho caycaj consejucunaga quiquin Diospitami shamun.

1. Galaycunanpita ushashgancamami leinquiman. Caymi yanapäshunqui Biblia imapita parlashganta musyanayquipaj. Chaytaga tucuynopami rurayta puedinqui; ishcay ejemplucunata ricärishun:

•  66 libruncunatami gatinalanpa leiyta puedinqui Genesispita Apocalipsiscama.

•  Lapan pasashgan wilacuycunata gatinalanpa leiramuy.

Cayta ruray: Ricäriy la sección 4-A del folleto Guía para el estudio de la Palabra de Dios nishganta, chaycho tarinqui Jesús Pachacho caycar más importante ruraynincunata.

2. Problemayquiwan yanapäshunayquipaj wilacuycunata ashiy. Tantiarinapaj:

• ¿Yaracuypaj amigucunatachu tariyta munanqui? Chaurasga, Davidwan Jonatanpa wilacuyninta leiy (1 Samuel 18 al 20 capitulucuna). Nircur shumaj yarpachacuy imataj paycunata yanapashga ali amigo capäcunanpaj.

• ¿Tentaciunpa pasar mana ishquinayquipächu yachacuyta munanqui? José pasashganta leiy y imano mana ishquishganta yachacuy (Génesis 39 caj capítulo). Nircur maslata yachacuy imata Joseta yanapashga Jehovalata casucunanpaj mana alicunapa pasananpaj cajta musyarpis.

• ¿Musyayta munanquimanchuraj oraciuncuna imano yanapäshunayquipaj? Nehemiasta pasashganta leiy (Nehemías 1 y 2 capitulucuna). Nircur más yachachicuycunata ashiy imano Dios yanapämanchi payta mañacuptinchi.

Ruranayquipaj: Bibliata leinayquipaj munarga, bulla mana cashgan sitiuta ashiy shumaj yarpachacunayquipaj.

3. Salmo librupa juc capitulunta o maygan wilacuyta acray, leiy y nircur yarpachacuy imano yanapäshunayquipaj. Leiyta usharirga, cayno tapucuy:

•  ¿Imanirtaj Jehová caycunata escribichishga?

•  ¿Imatataj yachachiman Jehovapita y munaynin ima cashganta?

•  ¿Imanotaj yanapäman cawaynïcho?

Ruranayquipaj: Juc tareatano churacuy. Bibliata leinayquipaj imaytaj galaycunayquipaj escribiy.