Jesuspa wanuyninta Yarpänapaj
Sábado 12 abrilpita, 2025
Wata wata Jehovapa testiguncuna juntacärin Jesús mandashganno wanuyninta yarpänanpaj. Payga nergan: “Qamkuna rayku wanushqäta yarpapäkunki” (Lucas 22:19, TDW).
Invitapäcamö cay reuniunman shamunayquipaj.
Capaz tapucunquichi:
¿Imay horacamataj canga?
Juc horala cangapaj.
¿Maychotaj ruracanga?
Tiyashgayqui marcacho juc Testiguta tapupäriy musyanayquipaj.
¿Pagarcur-raj yaycushun?
Manami.
¿Guellayta mañashunquichu?
Manami.
¿Imanotaj visticunanchi?
Charashgayqui ropayquilawan aywanquiman, ichanga Biblia nishganno Jehovapa testiguncunaga calpachacunchi visticunapaj pipis mana jamurpämänanchipaj (1 Timoteo 2:9). Manami chaniyoj ropataraj jaticushwanchu.
¿Imanotaj Jesuspa wanuyninta yarpanchi?
Reuniunta galarinapaj y usharinapäpis cantanchi y nircur juc Testigo oraciunta ruran. Chaypita juc waugui Jesús imanir wanushganta tantiachimanchi, jina Dioswan Jesús noganchiraycur rurashganga imano yanapämanchi.
Maslata musyanayquipaj, “¿Por qué los testigos de Jehová celebran la Cena del Señor de forma diferente a otras religiones?” nej yachachicuyta leiriy.
¿Imay junajtaj shamoj watacunacho Jesuspa wanuyninta yarpäshun?
2025: Sábado, 12 abrilpita
2026: Jueves, 2 abrilpita
Caypis gustashunquimi
YARPÄNAPAJ
Jesuspa wanuyninta yarpashun
Cay reuniunman shacäramunayquipaj invitado carcaycanqui. Caychomi yachacunqui Jesuspa wanuynin imano yanapashunayquipaj.
ENSEÑANZAS IMPORTANTES DE LA BIBLIA
¿Imanirtaj Jesús wanurgan?
Pï maypis ninmi juchanchiraycur pay wanushganta. Pero ¿imanopataj juclaylapa wanuyninwan lapanchi perdunashga cashwan?