Ri Jesús xeʼutoʼ ri sukʼalaj taq upataninel ri Dios are chiʼ xuya ri ukʼaslemal rumal qech (Mateo 20:28). Rumal laʼ, ri Biblia kubʼij che ri Jesús are «Kolol ke ri winaq cho ri uwach Ulew» (1 Juan 4:14). Xuqujeʼ kubʼij che «man kʼo ta chi jun kʼo ta wi kolobʼal ibʼ, ri Dios kʼut man uyoʼm ta chke ri ubʼiʼ ta chi jachin jun cho ri uwach Ulew ri kojkun ta wi kojkolotaj ta wi». (Hechos 4:12).

 Ri Jesús xkam pa kiwiʼ konojel ri kekojon chrij (Hebreos 2:9; Juan 3:​16). Tekʼuriʼ, ri Dios xuwalajisaj chkixoʼl ri kaminaqibʼ, y xbʼe pa ri kaj junam rukʼ jun uxlabʼal (Hechos 3:​15). Pa ri kaj, ri Jesús «kkun che kikolik chbʼe qʼij saq ri winaq ri keqebʼ rukʼ ri Dios rumal areʼ, rumal rech chi kʼasal amaqʼel rech kubʼochiʼj ri Dios pa kiwiʼ» (Hebreos 7:​25).

¿Jasche kajwataj chqe che ri Jesús kchʼaw pa qawiʼ?

 Rumal che qonojel oj ajmakibʼ (Romanos 3:​23). Ri makaj kojukʼam bʼi pa ri kamikal, rumal laʼ kojkun taj kojchʼaw rukʼ ri Dios (Romanos 6:​23). Are kʼu ri Jesús kjunamataj rukʼ jun abogado che kchʼaw pa kiwiʼ konojel ri kekojon chrij ri ukamikal (1 Juan 2:1). Rumal che ri Jesús xuya ri ukʼaslemal rumal qech, ri areʼ kkunik kchʼaw pa qawiʼ rukʼ ri Dios rech ri Dios kutatabʼej ri qachʼawem y kukuy ri qamak (Mateo 1:​21; Romanos 8:​34). Ri Dios kuta ri kubʼij ri Jesús che rumal che kʼo ubʼanik rukʼ ri urayibʼal. Ri areʼ xutaq lo ri Jesús cho ri uwach Ulew «rech kekolotaj ri winaq rumal» (Juan 3:​17).

¿La kojkolotajik we xaq xiw kojkojon chrij ri Jesús?

 Jeʼ taj. Paneʼ rajawaxik kojkojon chrij ri Jesús rech kojkolotajik, are kʼu kʼo na más rajawaxik kqabʼano (Hechos 16:30, 31). Ri Biblia kubʼij: «Jas ri cuerpo ri man rachiʼl ta uxlabʼal, are kaminaq, jeriʼ xuqujeʼ kaminaq ri kojonik ri man e rachilam ta chak» (Santiago 2:26). Rech kojkolotajik rajawaxik:

•   Kqetaʼmaj uwach ri Jesús y ri Jehová (Juan 17:3).

•   Kojkojon chkij (Juan 12:44; 14:1).

•   Kqakʼutu che kojkojon chkij are chiʼ kqanimaj ri kkibʼij chqe (Lucas 6:​46; 1 Juan 2:​17). Ri Jesús xubʼij: «Man ronojel taj ri kbʼin chwe: ‹Wajaw, Wajaw›, [kkolotajik] xaneʼ xuwi ri kebʼanow ri urayibʼal ri nuTat» (Mateo 7:​21).

•   Kqaya ta kan ukʼutik kojonik paneʼ kqariq kʼax. Ri Jesús xubʼij: «Apachin kʼut ri ko ktakʼiʼk kʼa pa ri kʼisbʼalil, are kesax na pa ri kʼax» (Mateo 24:13).