Chkiwach e kʼi winaq, ri e winaq kekun taj junam kkil wi kibʼ.

•   «Ri e winaq jalan kil kibʼ pa taq ri instituciones, pa taq grupos sociales y ri kkibʼan che uchʼabʼexik kibʼ ronojel taq qʼij. Are waʼ ri kbʼanowik che amaqʼel kʼo jachoj ibʼ chkixoʼl ri winaq» (António Guterres, Secretario General re ri Naciones Unidas).

 ¿La kopan na jun qʼij che ri winaq jalan ta chi kkil kibʼ? ¿Jas kubʼij ri Biblia chrij wariʼ?

 Ri Biblia kukʼut chqawach ri kuchomaj ri Dios chkij ri winaq che jalan kibʼantajik.

•   «[Ri Dios] xa kʼu che jun achi xeresaj wi konojel ri nimaʼq taq tinimit, rech kekʼojiʼ cho ronojel ri uwach ulew» (Hechos 17:26).

•   «Ri Dios man jalan ta keril wi taq ri winaq. Xaneʼ apachin ta ne ri kuxeʼj ribʼ chuwach pa apachike tinimit, ri kubʼan ri sukʼ, are riʼ kkʼam rumal ri Dios» (Hechos 10:34, 35).

 Ri Biblia kukʼutu che ri e winaq xaq e junam y che ri Dios keraj konojel ri winaq paneʼ jalan ri kibʼantajik.

 Are ri uQʼatbʼal tzij ri Dios, che kʼo pa ri kaj, ri kbʼanow na wariʼ. Wajun qʼatbʼal tzij riʼ kukʼut na chkiwach ri winaq rech junam kkil wi kibʼ. Kketaʼmaj na ri kkibʼano rech kpe ta koyowal chkij ri e winaq che jalan ri kibʼantajik chkiwach e areʼ.

•   «Ri achijabʼ kketaʼmaj na jas ri sukʼil» (Isaías 26:9).

•   «Ri sukʼil kuyaʼ na jamaril, jororemal xuqujeʼ kuʼlbʼal kʼuxaj chbʼe qʼij saq» (Isaías 32:17).

 Kimik riʼ, sibʼalaj e kʼi winaq tajin kketaʼmaj chrij ri Biblia rech nim kkil wi jun winaq che jalan ri ubʼantajik.

•   Rech kawetaʼmaj más chawilaʼ ri wuj ¡Despertad! ubʼiʼ «¿Tiene cura el prejuicio?».

•   Rech ri tat nan kekunik ketzijon chrij wariʼ kukʼ ri kalkʼwal chkisikʼij ri kʼutunem «¿Cómo hablar con sus hijos sobre el racismo?».