3,500 junabʼ kanoq, are chiʼ majaʼ naj che ri israelitas e kʼo pa ri Tzujum Ulew, ri Dios xubʼij chke che keʼuchajij chuwach ri itzel taq yabʼil che kʼo pa Egipto (Deuteronomio 7:15). Ri xubʼan che kichajixik are che xubʼij chke ri rajawaxik kkibʼano rech keyawaj taj. Chqilaʼ jujun chke:

•   Ri taqanik che xyaʼ chke kubʼij che rajawaxik keʼatinik y kkichʼaj ri katzʼyaq (Levítico 15:4-27).

•   Ri Dios xubʼij: «Ri nim ichul rajawaxik kitzukuj jun kʼolbʼal naj che ri qajebʼal. Rajawaxik kikʼam bʼik jun cheʼ tzʼimaj uwiʼ, ri kikʼotbʼej re jun jul ri kibʼan wi ri nim ichul, kimuq kʼu kanoq are taq kikʼis ubʼanik» (Deuteronomio 23:12, 13).

•   We kʼo jun kʼo jun yabʼil chrij, ktasik rech kuqʼaxej ta chi che jun chik. Are chiʼ kel chupam ri yabʼil, rajawaxik kuchʼaj ri ratzʼyaq y kubʼan ratinem rech «kajosqʼitajik» rech kkunik ktzalij pa ri campamento (Levítico 14:8, 9).

•   Xuqujeʼ kyaʼ pa cuarentena jun winaq are chiʼ kuchap jun kaminaq (Levítico 5:2, 3; Números 19:16).

 Ri taqanik che xyaʼ che ri tinamit Israel chrij ri chʼajchʼojil y ri kunabʼal más nim na ubʼanik pa ri tiempo riʼ.

 Pa nikʼaj chi tinamit ri taqanik che yaʼom chrij ri chʼajchʼojil kʼo ta upatan. Jun kʼutbʼal:

•   Ri e winaq kkikʼaq ri mes pa taq ri bʼe. Ri e tzʼil jaʼ, ri chʼam taq rikil y ri qʼayinaq taq jastaq kubʼano che sibʼalaj kʼo yabʼil y che e kʼi akʼalabʼ kekamik.

•   Ri kunanelabʼ re ojer kanoq kʼo ta más ketaʼmabʼal chkij ri nitzʼaq taq chikop o microbios che kkiya yabʼil. Ri egipcios ojer kanoq kkibʼan «kunabʼal» che ri ukikʼel ri lagarto, ri ukis ri pelícano, kaminaq taq chʼo, chulaj y ri pus taq kaxlanwa. Ri kichul ri winaq xuqujeʼ ri awaj kkoj che kunabʼal.

•   Ri egipcios ojer xeyawajik rumal ri parásitos che e kʼo pa ri jaʼ re ri río Nilo y ri canales che kkoj che ja’xik. Xuqujeʼ, e kʼi akʼalabʼ kekam rumal ri diarrea che kuya ri jastaq che kkitijo che utz ta chik.

 Rumal che ri israelitas xkinimaj ri Taqanik che xuya ri Dios, wariʼ xubʼano che xeyawaj taj.