Santiägu 4:1-17
4 ¿Imanirtan qamkunaqa pelyar y discutir kayanki? ¿Manaku qamkunawan pelyaqnö këkaq jutsa* ruraq cuerpuykikuna munanqan tsëkunaman chätsiyäshunki?+
2 Qamkunaqa munayankim, peru manam kapuyäshunkitsu. Nuna mayikikunata wanutsir y imatapis ërayëpa munaparmi këkäyanki, peru manam tarita puëdiyankitsu. Qamkunaqa pelyar y discutirmi këkäyanki.+ Mana mañakuyaptikim kayäpushunkitsu.
3 Mañakurpis, mana allipaq mañakurmi chaskiyankitsu. Awmi, qamkunaqa mana allikunata rurayänëkipaq y jutsa* ruraq cuerpuykikuna munanqanta rurayänëkipaqmi mañakuyanki.
4 Teyta Diosta traicionaqkuna, ¿manaku musyayanki kë munduchö nunakunawan amïgu karqa, Teyta Diospa chikeqnin tikrayanqëkita? Tsëmi pï nunapis kë munduchö nunakunapa amïgun këta munarqa, Teyta Diospa chikeqnin tikrëkan.+
5 ¿O Qellqarëkaqchö, “noqantsikchö këkaq pensëmi, jukkunata envidiar imëkatapis munatsimantsik” ninqan ardëlla* kanqantaku pensayanki?+
6 Tsënö kaptimpis, pë noqantsikwan alläpa alli kanqanqa tsëpitapis masmi. Tsëmi Qellqarëkaqchö kënö nin: “Teyta Diosqa allish tukoqkunapa contranmi këkan,+ peru humildikunata tratanqanchöqa alläpa alli kanqantam rikätsikun”.+
7 Tsëmi Teyta Diosta cäsukuyë,+ peru Diablupa contran churakäyë,+ y pëqa qeshpirmi qamkunapita ëwakunqa.+
8 Teyta Diosman witiyë, y pëqa qamkunamanmi witimunqa.+ Jutsata* ruraqkuna, mana alli rurëkunata dejayë,+ y mana churapakaqkuna, shonquykikunata limpiuyätsiyë.+
9 Llakikur, pësakur y waqar këkäyë.+ Asikuykarnin waqar ushayë, y kushikuykarnin llakikuychö ushayë.
10 Teyta Jehoväpa* rikëninchö humildi kayë,+ y pëqa punta puntamanmi churayäshunki.+
11 Wawqikuna y panikuna, amana juknikikuna juknikikunapaq mana allita parlar kayënatsu.+ Pï nunapis cristiänu mayimpaq* mana allita parlarqa o cristiänu mayinta* juzgarqa, leypaqmi mana allita parlëkan y ley ninqantam juzguëkan. Y ley ninqanta juzgarqa, manam ley ninqanta cumpleqnatsu kanki, sinöqa jueznam.
12 Jukllëllam Leyta Churaq y Juezqa,+ pëllam pitapis salvëta o ushakätsita puëdin.+ Peru qamqa, ¿pitan kanki nuna mayikita juzganëkipaq?+
13 Kananqa wiyayë, qamkuna, “kanan o warëmi tal markata ëwar tsëchö juk wata kashun, y negociuta rurarmi qellëta ganashun”+ neqkuna.
14 Qamkunaqa manam musyayankitsu warë imanö këkäyänëkipaq kaqta.+ Qamkunaqa juk rätulla yurirkamur ushakäreq pukutënöllam kayanki.+
15 Tsëpa rantinqa, kënömi niyankiman: “Teyta Jehovä* munaptinqa+ kawëkäshunmi, y këtapis o waktapis rurashunmi”.
16 Peru kananqa allish tukur alabakuyanqëkipitam qamkunaqa kushikuyanki. Tsënö alabakuyanqëkiqa manam allitsu.
17 Tsëmi pï nunapis ima alli kanqanta musyëkar mana tsëta rurarqa, jutsatana* rurëkan.+
Nötakuna
^ Kënöpis niyanmi: pecädu.
^ Kënöpis niyanmi: pecädu.
^ Kënöpis niyanmi: yaptalla.
^ Kënöpis niyanmi: Pecäduta.
^ Griëgu idiömachöqa “wawqimpaq” ninmi.
^ Griëgu idiömachöqa “wawqinta” ninmi.
^ Kënöpis niyanmi: pecädutana.
