“Kë libruchö qellqarëkaq Leypitam imëpis parlanëki. Kë librutam paqasta junaqta leyinëki y leyinqëkimanmi pensanëki. Tsëmi yanapashunki kë libruchö llapan qellqarëkaqkunata cäsukunëkipaq. Tsënöpam ima ruranqëkipis alli yarqapushunki, y alli pensëkurmi imatapis ruranki”.

Josuë 1:8

“Dios Yayapa Leynin qellqaranqan libruta fuertipa leyirmi, ima ninan kanqanta cläru entienditsikuyarqan. Tsënömi tsëchö këkaqkunata yanapayarqan leyikäyanqanta entiendiyänampaq”.

Nehemïas 8:8

“Teyta Diosta cäsukoq nunaqa kushishqam kawakun. [. . .] Jehovä Diospa leynintam kushishqa cäsukun, paqasta junaqtam leyin y leyinqankunamanmi pensan. [. . .] Imëkata ruranqampis allim yarqunqa”.

Salmus 1:1-3

“Tsënam Felïpiqa tsë carrëtapa lädunman cörrir Diospa willakoqnin Isaïas qellqanqanta leyikanqanta wiyar, ‘¿rasumpaku entiendinki llapan leyikanqëkita?’ nir tapurqan. Pënam, ‘¿imanöraq entiendïman mana ni pï entiendikätsimaptinqa?’ nirqan”.

Hëchus 8:30, 31

 “Pë imanö kanqanta mana rikëta puëdirpis, munduta imanö kamanqanta rikarmi entiendita puëdintsik. Ruranqanta rikarmi pë imanö kanqanta yachakuyta puëdintsik. Tsëkunam rikätsikun mana ushakaq poderninta y rasumpa Teyta Dios kanqanta. Tsëmi tsëkunata mana kaqpaq churaqkunaqa tsapäkuyta puëdiyantsu”.

Romänus 1:20

“Tsëkunaman pensë, y tsëkunata imëpis rurë, tsënöpam llapankuna cläru rikäyanqa Diospa kaqchö mas alli këkanqëkita”.

1 Timoteu 4:15

“Y kuyakoq kanapaq y alli kaqta rurëchö yanapanakunapaq, juknintsik juknintsik alli reqinakushun, y ama wakinkuna imëpis rurayanqannöqa juntakëta dejashuntsu”.

Hebrëus 10:24, 25

“Tsëmi qamkunachö pipapis yachënin pishiptinqa, Teyta Diosta kutin kutin mañakutsun, y chaskinqam. Pëqa llapankunatam mana medipashpa qaran, y manam qarakunqampita imatapis nikuntsu”.

Santiägu 1:5