Bibliachö willakunqan:

• Mt 16:13-17. Apostol Pëdrum nirqan Jesusqa ‘Cristu’ kanqanta y ‘kawëkaq Diospa Tsurin kanqanta’.

• Mt 17:1-9. Kima apostolninkunam suëñuchönö Jesusta rikäyarqan gobernanti tikrarir imanö puëdeq kanampaq kaqta, y ciëlupita “pëmi kuyë Tsurï” neqtam Jehoväta wiyayarqan.

Bibliachö willakunqan:

• Mt 21:1-9. Jerusalen markaman ashnun montashqa Jesus yëkunqanchömi cumplikarqan Jehovä akranqan gobernantipaq Diospa willakoqnin Isaïas unëna willakunqan.

• Heb 7:26-28. Apostol Pablum willakurqan Mandakoq Sacerdöti Jesusqa wakin mandakoq sacerdötikunapita imanir jukläya kanqanta.

 Bibliachö willakunqan:

• Mt 4:23, 24. Jesusqa demoniukunapitapis mas puëdeq kanqanta y imëka qeshyakunata jampita puëdinqantam rikätsikurqan.

• Mt 14:15-21. Pitsqa tantallawan y ishkë pescädullawanmi Jesusqa milagruta rurarnin mëtsika waranqa nunakunata mikuynin qararqan.

• Mt 17:24-27. Nunakuna mana parlayänampaqmi Jesusqa juk milagruta rurar qellëta yuritsirqan, y tsë qellëwanmi Pëdruqa impuestuta paqakurqan.

• Mr 1:40, 41. Leprayoq nuna alliyëta munar Jesusta alläpa rogakuptinmi Jesusqa llakiparnin alliyätsirqan. Tsëta ruranqanmi rikätsikun qeshyëkaq nunakunata rasumpa alliyätsita munanqanta.

• Mr 4:36-41. Jesusqa alläpa fuerti vientuwan tamyatam päratsirqan. Tsënö ruranqanmi rikätsikun fuerti tamyata, vientuta y terremötukunata päratsinampaq poderta Jehovä qoshqa kanqanta.

• Jn 11:11-15, 31-45. Amïgun Läzaru wanuskiptinmi Jesusqa alläpa llakikur waqarqan. Tsëmi rikätsikun Jesusqa pipis wanunanta mana munanqanta.

Bibliachö willakunqan:

• Sl 45:2-7, 16, 17. Kë salmuchö qellqarëkaqmi rikätsimantsik Jehovä churanqan gobernanti Jesusqa llapan chikeqninkunata ushakätsinampaq kaqta, allikunallata ruranampaq kaqta, rasumpa kaqllata parlanampaq kaqta y humildi nunakunata defendinampaq kaqta.

• Is 11:1-10. Jesus gobernamuptinqa entëru Patsam juk shumaq huertaman tikranqa, y llapan nunakunam yamë kawakuyanqa.