48 KAQ YACHAKUNËKIPAQ

Alli amïgukunata akrashun

KICHË

Alli amïgukunaqa kushishqa kanapaqmi yanapamantsik, y llakikuykunapa pasashqapis manam dejamantsiktsu. Peru Bibliachöqa wakinkuna mana alli amïgu kayanqantam nin. Këchömi yachakunki alli amïgukunata imanö tarinëkipaq.

1 KAQ: ¿Imanirtan alli amïgukunata akranëki?

Piwampis alläpa parlar o juntararqa, o Internetpa piwampis alläpa parlarqa, pëkuna rurayanqantam allita o mana allitapis rurar qallëkushun. Tsëmi Bibliachöqa kënö nin: “Yachaq nunakunawan pureq kaqqa yachaqmi tikranqa, peru juiciunnaq nunakunawan juntakaqqa mana allichömi ushanqa” (Proverbius 13:20). Jehoväpa sirweqninkunawan amïgu kanqëkiqa Jehoväwan alli amïgu kanëkipaq y imëpis allita ruranëkipaqmi yanapashunki. Peru mana alli amïgukunaqa manam yanapashunkitsu Jehoväta sirwinëkipaq. Tsëmi Bibliachö ninqannö alli amïgukunata akranantsik. Amïguntsikkuna Jehoväta kuyayaptinqa noqantsikpis pëkunanömi kashun. Tsëmi Bibliachö kënö nin: “Jukniki juknikikuna kallpayoq kayänëkipaq y alli këkäyänëkipaq yanapanakur këkäyë” (1 Tesalonicensis 5:11).

2 KAQ: ¿Imanö amïgukunata akranëkitataq Jehoväqa munan?

Jehoväqa “allita ruraq nunakunataqa kuyanmi”, tsëmi pëkunata akran amïgunkuna kayänampaq (Proverbius 3:32). Jehoväta mana kuyaq nunakunawan amïgu kashqaqa, Teytantsik Jehoväqa alläpam llakikun (Leyi Santiägu 4:4). Tsëmi Jehoväta kushitsinapaq y amïgun kanapaqqa pëta kuyaqkunallawan amïgu kanantsik, y mana allita ruraq nunakunawanqa manam amïgu kanantsiktsu (Salmus 15:1-4).

MASLLA YACHAKUSHUN

Alli amïgukunata akranëki imanir alli kanqanta y qampis alli amïgu kar kushishqa kanëkipaq kaqtam yachakushun.

3 KAQ: Mana alli amïgukunapita cuidakuy

Mana alli amïgukunaqa Jehovä Diosta manam kuyayantsu ni mandakunqankunata cäsukuyantsu. VIDEUTA rikäyë y këpaq parlayë:

VIDEU: Mana alli amïgukunawan juntakïta evitë (6:17)

¿Imanötan mana cuentata qokurlla mana alli amïgukunawan juntakuykashwan?

Leyiyë 1 Corintius 15:33 ima ninqanta y këpaq parlayë:

Qampaqqa, ¿pikunatan mana alli amïgukuna kayan? ¿Imanir?

Leyiyë Salmus 119:63 ima ninqanta y këpaq parlayë:

¿Amïguykikuna imanö kayänantataq munankiman?

Ismushqa manzänata alli manzänakunawan juntashqaqa ismuratsinmi, tsënöllam mana alli amïgukunawan juntakarqa mana allichö ushanki.

4 KAQ: Llapankunawampis alli amïgu këtaqa puëdintsikmi

Bibliachömi willakun Davidwan Jonatan jukläya kawashqa këkar y tsë edälla mana këkarpis alli amïgu kayanqanta. Leyiyë 1 Samuel 18:1 ima ninqanta y këpaq parlayë:

¿Imanirtan amïguntsik kayänampaq waktsatapis, rïcutapis, mayorkunatapis y edä mayintsikkunatapis akrashwan?

Leyiyë Romänus 1:11, 12 ima ninqanta y këpaq parlayë:

Jehoväta kuyaq amïgukunaqa, ¿imanötan yanapanakuyan?

Juk jövin alli amïguta imanö tarinqanta VIDEUCHÖ rikäyë y këkunapaq parlayë:

VIDEU: Mana pensanqantsikwanmi amïgu tikrëta puëdintsik (5:06)

Estudiaq mayinkunawan Akil amïgu kaptin, ¿imanirtan teytankuna alläpa yarpachakuyarqan?
¿Imanirtan Akilqa estudiaq mayinkunawan amïgu këta munarqan?
¿Imatataq Akilqa rurarqan japallan mana sientikunampaq?

5 KAQ: ¿Imatataq ruranantsik alli amïgukunata tarinapaq y alli amïgu kanapaq?

Alli amïgukunata tarinëkipaq y qampis alli amïgu kanëkipaq ima yanapashunëkipaq kaqta yachakurishun. VIDEUTA rikäyë.

VIDEU: ¿Imanötan alli amïguta tarishwan? (4:14)

Leyiyë Proverbius 18:24 y 27:17 ima ninqanta y këkunapaq parlayë:

¿Imanötan alli amïgukunaqa yanapanakuyan?
¿Amïguykikunaqa Bibliachö ninqannöku kayan? Tsënö mana kayaptinqa, ¿imataraq rurankiman alli amïgukunata tarinëkipaq?

Leyiyë Filipensis 2:4 ima ninqanta y këpaq parlayë: