158 KAQ CANCION
Tiempunchömi llapanta ruranki
1. Teytalläkuna, imëkatapis
pacienciawanmi shumaq rurarqunki.
Y llapan mushoq tikranampaqpis
pacienciawanmi qamqa shuyëkanki.
(CÖRU)
¡Ichikllanam pishin!
¡Ichikllanam faltan
llapan mushoq kanampaq!
Tiempunchömi qamqa llapanta ruranki.
Tsë tiemputam kushishqa shuyarëkäyä.
2. Llapan wanushqa kastäkunatam
yapë rikëta alläpa munayä.
Tsë tiempuyaqmi alli tsarakur
y pacienciawan shuyar këkäyäshaq.
(CÖRU)
¡Ichikllanam pishin!
¡Ichikllanam faltan
llapan mushoq kanampaq!
Tiempunchömi qamqa llapanta ruranki.
Tsë tiemputam kushishqa shuyarëkäyä.
3. Qamqa munanki mëchö tsëchöpis
rasumpa kaqta yachakuyänantam.
Tsëmi munayä qamnö kuyakoq,
llakipäkoq y pacienciayoq këta.
(CÖRU)
¡Ichikllanam pishin!
¡Ichikllanam faltan
llapan mushoq kanampaq!
Tiempunchömi qamqa llapanta ruranki.
Tsë tiemputam kushishqa shuyarëkäyä.
¡Tsë tiempu chëkämunnam!
(Ke textutapis rikari Col. 1:11.)
