AMA CHIKIKOQ KASHUNTSU
4 | Teyta Diosta yanapamänapaq mañakushun
Bibliachömi kënö nin:
“Santu espïritupa wayïninqa këmi: kuyakï, kushishqa kë, yamë kë, pacienciayoq kë, alli shonquyoq kë, alli kë, markäkï, yachanëpaq kë, peqata tsarëta yachë” (GÄLATAS 5:22, 23).
¿Ima ninantaq tsëqa?
Teyta Dios yanapamashqallam pitapis chikishunnatsu. Diospa santu espïritun mana yanapamashqaqa manam kikintsikllapita cambiëta puëdishwantsu. Tsëmi pitapis chikirninqa, Dios yanapamänapaq mañakunantsik. Tsënö rurashqaqa apostol Pabluta yanapanqannömi noqantsiktapis yanapamäshun. Pëmi kënö nin: “Dios kallpata qomaptinmi imëkapaq kallpä kan” (Filipensis 4:13). Y noqantsikpis kënömi nishun: “Noqapa yanapamaqnïqa kë patsata y ciëluta kamaq TEYTA DIOSMI” (Salmus 121:2).
Këta rurë:
“Unëqa chikikoqmi karqä y pelyallatam asheq kä. […] Peru Jehovämi yanapamashqa pï mëwampis yamë kawakunäpaq” (WALDU).
Jehovä Diosman shonqupita patsë mañakushun alli nuna kanapaq (Lücas 11:13). Pitapis mana chikir sïguinapaqqa kuyakoq y pacienciakoq kanqantsik, y peqata tsarëta yachanqantsikmi yanapamäshun. Tsëkunapaq Bibliachö ima ninqantam yachakunantsik, y tsëchö ninqannölla kawakunapaqmi kallpachakunantsik. Dios munanqannö kawakoq nunakunawan juntakushun, tsëqa yanapamäshun kuyakoq këta, pacienciakoq këta y peqata tsarëta yachakunapaqmi (Hebrëus 10:24).
