2024 huatapica muyundij allpapimi ashtahuan politicocunata agllangapaj votacioncuna tiyanga. Chashna votacioncuna tiyajpipish achca gentecunaca politicocunapi confianatami saquishcacuna.

•   Estados Unidospi rurashca encuestapica achca gentecunaca, la mayoría politicocunaca ayudana munaita charinapaj randica paicuna beneficiaringapajllami imatapish rurancuna nircacunami (centro de investigación Pew Research Center, 19 de septiembre de 2023). a

 Achca jovencunapish politicocunapi confianatami saquishcacuna.

•   “Jovencunaca paicunallataj jatun problemacunata allichinatami munancuna. Imamanta chaita rurasha nishcata tapujpica paicunaca politicocuna imatapish mana allichishcamantami paicunapi confianata saquishcanchij nincunami” (The New York Times, 29 de enero de 2024).

•   “Shujtaj encuestapica jovencunaca politicocunapi confianapaj randica youtubercunapimi ashtahuan confiancuna ninmi” (The korea Times, 22 de enero de 2024).

 ¿Politicocunaca alli causaita apamungacunachu? ¿Maijanpitaj confiai tucunchij?

 Proverbios 14:15-pica: “Yachai illaj runaca imata nijpipish, crishpa catinllami. Ashtahuanpish yachajcunaca imata rurangapajpish, alli yuyarinrajmi” ninmi. Cai versopi nishca shinaca maijanpi manaraj confiashpami alli ricuna cangui.

•   Pi llullacushcata o mana llullacushcata yachangapajca “Como protegerse de la información falsa” nishca yachaita ricui.

 Allita rurana munaita charij politicocunapishmi ima allita rurasha nishpapish mana tucuita allichi tucuncuna. Chaimantami Bibliapica caita yachachin:

•   Salmo 146:3-pica: “Mandajcunapica ama shunguta churaichu. Huañujlla runacunapipish ama shunguta churaichu. Paicunapica quishpirinaca mana tiyanchu” ninmi.

 Bibliapica Diosca ñucanchijta alli pushachunmi Jesusta agllashcata yachachin. Chaimantami Jesuspi confiai tucungui (Lucas 1:32, 33). Jesusca Diospaj Gobiernopimi mandacun. Cai Gobiernoca jahua pachapimi can (Mateo 6:10).

•   Jesuspi imamanta confiai tucushcata, pai tucui llaquicunata tucuchingapaj imallata ruragrishcata yachai. Chaipajca “¿Diospaj Gobiernopica pitaj rey can?”, “¿Diospaj Gobiernoca imatataj ruranga?” nishca yachaicunata liyi.