Muyundij allpapi causaj gentecunamanta shuj estudiota rurashpaca a cada cuatro gentecunamantaca shujmi sololla sintirishcata ricushcacuna.

•    “Mashna huatacunata charishpapish, maimanta cashpapish, shujtajcunamanta caruyajpica llaquipimi urmai tucun” (Chido Mpemba, coopresidenta de la Comisión de la Organización Mundial de Salud sobre conexión social).

 Sololla sintirinaca mana yuyajcunallata, carupi causajcunallatachu llaquichin. Ashtahuanpish jovencunata, alli saludta charijcunata, cazadocunata, alli causaita charijcunatapishmi llaquichi tucun. Shujtajcunamanta caruyashpa, sololla sintirishpaca yallitaj sustarishpami ungurishun.

•    ‘Sololla sintirinaca mana shuj pugllaillachu can. Chaica punllapi 15 tabacocunata fumacuj shinami can. Chaimantami sololla sintirijcunaca tabacota fumajcuna shinallataj huañui tucun’ (Vivek Murthy, director general de Salud Pública de Estados Unidos).

 Ñucanchijta ruraj Diosca shujtajcunamanta caruyachunca mana munanchu. Diosca amigocunata charichun paicunahuan cushilla pasachunmi munan.

•    Génesis 2:18-pica: “Diosca: ‘Cꞌaripajca sololla canaca mana allichu’” ninmi.

 Diosca paipaj amigocuna tucuchunmi munan. Ñucanchij paipajman cꞌuchuyangapaj esforzarijpica paipish ñucanchijpajman cꞌuchuyanatami nin (Santiago 4:8).

•    Mateo 5:3-pica: “Diosmanta yachana munaita yuyaipi charijcunaca cushicuncunami. Jahua pacha Gobiernoca paicunapajmi canga” ninmi.

 Diosca shujtajcunahuan paita adorachunmi munan. Chaita rurashpaca cushillami sintirinchij.

•    Hebreos 10:24, 25-pica: “Shinallataj cꞌuyaita ashtahuan ricuchingapaj, alli ruraicunatapish rurangapaj caishujmanta chaishujmanta preocuparishunchij. Ñucanchijca tandanacunataca amataj saquishunchijchu. Ashtahuanpish caishuj chaishuj animanacushunchij” ninmi.

 Sololla ama sintiringapaj imata rurana cashcata ashtahuan yachasha nishpaca “Soledad en la era de la comunicación” nishca yachaita ricui.