Precursor niyta munan suj ckallárej, y suj precursor can suj persona ima huellata quicharin picunáspaj paypa huasanpi amuncu. Jishu ina, áicap ashpapi tiara, pay suj mensaje causaymanta predicara y chayna suj huella ckeshpinancúpaj quicharera (Mateo 20:28). Cunan punchaupi Jishút yachapiaycu, túcuy tiempu atisckaycuta predicas y personastas yachachis (Mateo 28:19, 20). Huaquin ajllarancu precursores ina siruiyta.

Suj predicador ima ashca tiempo predican. Túcuy Jehóvap testigusnin alli noticiasta predicaycu. Pero huaquincuna causaynincunata organisarancu precursor regular cáypaj ima sapa mes 70 horasta predicancu. Cháypaj paycuna tutamantallapi o tardesllapi llamcancu. Sujcuna ajllarancu precursor túcuy tiempu cáypaj, paycunata cachacuncu mayman ashca necesidar predicajcunamanta tían. Paycuna sapa mes 130 horasta predicancu. Precursores suj causayta sencilla apincu y Jehovapi confiancu ima pay túcuy precisasckancuta ckócoj ’rin (Mateo 6:31-33; 1 Timoteo 6:6-8). Picunas mana precursor regular o precursor túcuy tiempumanta cayta atincu, precursor auciliar ina cayta atincu y sapa mes 30 o 50 horasta predicancu.

Jehovát y personasta munasckanraycu predican. Quiquin Jishu, yachaycu ima gente onckosckas espiritualmente tiancu (Marcos 6:34). Pero apiycu suj alli noticia ima cunanmanta yanapacuyta atin suj suyana suj alli ámoj pachamanta apinancúpaj. Precursor túcuy personasta munasckanraycu tiempút y fuersasninta utilisan sujcunata yanapáypaj (Mateo 22:39; 1 Tesalonicenses 2:8). Chay ’ruan, fen y amistarnin Yayaan sinchiyachinanta y cusiscka cananta (Hechos 20:35).

• ¿Imát can suj precursor?

• ¿Imajchu precursores ashca tiempút predicancu?