Áicap suj ckari y suj huarmi casaracuncu, ashca layas problemasta apenckancu, mana quiquin pensasckancuraycu, mana quiquin sentincu, o imastista ’ruayta munancu imaina yachachisckas y uyuasckas carancu. Mana alli imastis amuyta atincu aamanta o maymanta mana suyacun.

Ashca cutis astaan facil can mana munayta problemastas allichayta, pero Biblia yachachin ima esforsacunancu tían allicháypaj (Mateo 5:23, 24). Biblia nisckanta ’ruaspá, túcuy allichácoj ’rin.

BIBLIA NISCKANTA: «Suj tiempo ’rimáypaj tían» (Eclesiastés 3:1, 7). Problemasniyquishmanta ’rimáypaj tiempót sórckoy; conyugeyquita cierto casckanta nípuy, imaina senticunqui, imát ninqui problemasmanta. Ni aicappas llullapunayqui tían (Efesios 4:25). Aun si piñacus tianqui, sosegácuy ama peliapuychu. Si sosegascka ’rimanqui, impediyta atinqui ima suj utula problema mana astaan atun ’ruacunanta (Proverbios 15:4; 26:20).

Si conyugeyqui pensasckanuan mana de acuerdo tianqui, mana sackeychu atento cayta; munas séguiy y respetót ckaachipus (Colosenses 4:6). Chayllapi problemastas allíchay y mana ’rimacuyta sackeychis (Efesios 4:26).

IMÁT ’RUAYTA ATINQUI:

• Suj alli momentót máscay problemasmanta ’rimáypaj

• Conyugeyqui ’rimashcaptin upallas uyáriy y chaymantá ckam ’rimayta atinqui

BIBLIA NISCKANTA: «Sujuan sujuan ancha llullu munayta apicuychis. Sujuan sujuan respetót ckaachicúypaj huamajcuna canayquísh tían» (Romanos 12:10). Ancha súmaj can allít uyarinayquita y conyugeyqui pensasckanta unanchanayquita, «sentimientosta apis compañeros ina» y «humilde pensamientosmanta» cas (1 Pedro 3:8; Santiago 1:19). Ama creechiychu uyaripushcasckayquita. Atispá ’ruashcasckayquita sáckey y conyugeyquita túcuy atenciunniyquita ckoy o tápuy si chaymantá ’rimayta atinquísh. Conyugeyquita ckaanayqui tían yanapajniyqui ina y mana contrariuyqui ina, chayna mana chaynalla piñacunqui (Eclesiastés 7:9).

IMÁT ’RUAYTA ATINQUI:

• Mana gustasuptencka conyugeyqui nisckanta, igualllata uyarípuy

• Conyugeyqui niyta munasckanta unancháypaj esforsácuy. Ckáay imaina ’riman, ima ademanes ’ruan, ima gestus ’ruan

BIBLIA NISCKANTA: «Alli casckanta ’ruayta mana sackenaycu tían, tiempo captin cosechasajcu mana saycucuspá» (Gálatas 6:9). Manalla problemasta allichayta munanayquísh tían, manapé mascayta imaina allichayta. Ashca cutis ashcata esforsacunayquísh tían, pero problemasta allíchaj ’rinquísh (Proverbios 10:4). Si cuscas llamcanquísh cusisckas caj ’rinquísh (Eclesiastés 4:9).

IMÁT ’RUAYTA ATINQUI:

• Ckáay imát sapa suj ’ruayta atin problemastas allicháypaj

• Suj tiempo crusaptin ckáay aicát progresaranquísh