Yaya Dios munanmi tucui runauna cushi causanuchu. Runaunara llaquishcamanda Allpara, sisaunara, muyugunara, animalgunara, tucuira Yaya Dios rurashca. Chiraigu ñalla tucui turmindusgunara tucuchinga. Shina rashami tucui runaunama gustu ali causanara cuyanga. Leapai 1 Timoteo 6:19.

Gobiernogunaga turmindusgunara, ungüigunara, huañuiras mana tucuchingahua ushanushcachu. Shinajpis ali gustu cuintashcauna tian: Yaya Diosga ñalla tucui cai mundui tiaj gobiernogunara tucuchinga. Chi huasha paihua quiquin mandana callaringa. Paita casujcuna ungüi illaj, gustu ali causaira charingaranun. Leapai Daniel 2:​44; Ricuchina (Apocalipsis) 21:​4.

Yaya Diosga cai Allpai tucui manali runaunara tucuchinga. Paigunara tucuchijpimi turmindusguna ña mana mas tianga (Sofonías 2:3). Yaya Diosga ¿ima huras llaquiunara tucuchinga? Biblia nicami, cuna punzhai tiaj runaunaga turmindus pasanunga. Cai turmindusguna pasaushcara ricusha, tucurina huras pactamuushcara riparanchi. Leapai 2 Timoteo 3:​1-5.

Bibliara estudiashami Yaya Diosmanda yachana anchi. Bibliaga llaquij yaya partimanda quillcashca cuintami an. Diospa Shimi yachachinmi, ima rana ashcara cunan timpui cushi causangahua, shinallara shamuj punzhaunais huiñai causaira charingahua. Shinajpis Bibliara estudiangaj callarijpi, huaquin runauna canda piñasha rimanunga. Piñarinujpis, Biblia estudianara ama saquinguichu. Mana saquishaga, Yaya Dios partimanda ashca bendiciongunara charinguimi. Leapai Lucas 6:22, 23; Ricuchina (Apocalipsis) 14:​6, 7.